સુરત / સુરતની મોડલ તાનિયા આ ક્રિકેટર સાથે હતી પ્રેમમાં ! તેને છેલ્લો ફોન કર્યાં બાદ ઘેર પંખે લટકી, મોટો ઘટસ્ફોટ

• સુરતની મોડલ તાનિયા ભવાનીસિંગ આપઘાત કેસમાં નવો ફણગો
• IPL ખેલાડી અભિષેક શર્મા સાથે પ્રેમસંબંધમાં હોવાનું તારણ
• આપઘાત કરતાં પહેલા અભિષેક શર્મા સાથે ફોન પર કરી હતી વાત 
• વાત કર્યાં બાદ ઘેર આવીને પંખે લટકી 

પ્રેમે એક આશાસ્પદ યુવતીનું જીવન હણી નાખ્યું છે. સુરતના વેસુની યુવા મોડલ તાનિયા ભવાનીસિંગ આપઘાત કેસમાં નવો ફણગો ફૂટ્યો છે. તાનિયા અને આઈપીએલ ખેલાડી અભિષેક શર્મા વચ્ચે પ્રેમસંબંધ હોવાનું જણાઈ રહ્યું છે. મરતાં પહેલા તાનિયાએ અભિષેક શર્માને ફોન કર્યાં હતો અને વેસુ પોલીસ તેની કોલ ડિટેલ્સને આધારે આ વાત પકડી પાડી છે. તાનિયા અને અભિષેક ઘણા સમયથી એકબીજાના સંપર્કમાં હતા અને તેમની વચ્ચે ફોન અને વોટ્સએપ પર પણ વાતો થતી હતી. પોલીસનું માનવું છે કે અભિષેક સાથે ફોન પર વાત કર્યાં બાદ જ તાનિયાએ પંખે લટકી ગઈ હતી. તાનિયાના આપઘાતમાં ક્રિકેટરનું નામ સામે આવતાં પોલીસને પણ મોટી કડી હાથ લાગી છે અને તેણે અભિષેકને બોલાવીને પૂછપરછ શરુ કરી છે. 

વધુ વાંચો : સુરતમાં મોડલની ઘરે લટકતી લાશ મળી, મિલ કામદારની એકની એક દીકરીએ આયખું ટૂંકાવ્યું, આપઘાતનું કારણ ચર્ચામાં

ક્રિકેટર અભિષેક સાથે બ્રેકઅપ થતાં આપઘાત કર્યો
ચર્ચા તો એવી પણ છે કે તાનિયા ક્રિકેટર અભિષેકના પ્રેમમાં પાગલ હતી અને તેમાં નિષ્ફળતાં મળતાં તેણે અંતિમ પગલું ભર્યું હતું. હાલમાં અભિષેકની પૂછપરછ ચાલી રહી હોવાથી ચોંકાવનારી માહિતી સામે આવી શકે છે. 

તાનિયા ઘરમાં પંખે લટકી હતી
સુરતના વેસુ રોડ ઉપર હેપ્પી એલીગન્સ એપાર્ટમેન્ટમાં રહેતી 28 વર્ષીય તાનિયા ગત રોજ રાત્રે તાનિયા ઘરે લેટ આવી હતી અને મોડી રાતે ઘરમાં પંખે લટકીને ગળેફાંસો ખાઈ લીધો હતો. સવારમાં ઘરનાને તેની લાશ મળી આવી હતી. 28 વર્ષની તાનિયા ઉભરતી મોડલ છે. તે મૂળ રાજસ્થાનમાં સીકરની વતની હતી.  તેનો એક ભાઇ કેનેડામાં અભ્યાસ કરે છે અને એક બહેનના લગ્ન થઇ ગયા છે. જયારે તેના પિતા પાંડેસરાની મીલમાં નોકરી કરે છે. 

કોણ છે ક્રિકેટર અભિષેક શર્મા 
અભિષેક શર્મા આઈપીએલ ફ્રેન્ચાઇઝી સનરાઈઝર્સ હૈદરાબાદનો ખેલાડી છે. તેણે આઈપીએલની 47 મેચમાં 893 રન બનાવ્યા છે જેમાં એક ઈનિંગમાં તેના વધારેમાં વધારે રન 75 છે. આઈપીએલમાં અત્યાર સુધીમાં તેણે 4 ફિફ્ટી ફટકારી છે અને 9 વિકેટ પણ ઝડપી છે.

અભિષેક શર્માની ધમધોકાર પૂછપરછ
હાલમાં વેસુ પોલીસે ક્રિકેટર અભિષેક શર્માની પૂછપરછ કરી રહી છે જે પછી સત્ય બહાર આવશે. હાલમાં પોલીસે લવના એંગલથી આ કેસની તપાસ કરી રહી છે.