SHORT & SIMPLE / Whatsapp પર મેસેજ અને લિંક મોકલી ફસાવવાનું નવું કૌભાંડ! સુરતમાં એન્જિનિયરે કમાવવાની લાલચમાં ગુમાવ્યા 88 હજાર

• એન્જિનિયર યુવકને લાલચ ભારે પડી
• ઘર બેઠા પૈસા કમાવાની આપી હતી લાલચ
• ઠગે આચરી 88 હજારની છેતરપિંડી

ઓનલાઈન ટ્રાન્ઝેક્શનનું પ્રમાણ વધવાની સાથે ઓનલાઈન ફ્રોડના બનાવો પણ વધ્યા છે. એશિયામાં સૌથી વધુ ઓનલાઈન છેતરપિંડીનો ભોગ બનતા દેશોમાં ભારતનો સમાવેશ ટોપ-4માં થયો હતો. ઓનલાઈન છેતરપિંડીથી બચવા જાગૃત થવાની જરૂર છે. આ સાયબર ઠગો અવનવા પેતરા અજમાવીને લોકો સાથે છેતરપિંડી આચરી રહ્યા છે. ત્યારે આવો જ એક બનાવ સુરતમાંથી સામે આવ્યો છે.

જુદા-જુદા ટાસ્કના નામે પૈસા પડાવ્યા 
સુરતના એક યુવકે ઘર બેઠા પૈસા કરાવવાની લાલચમાં 88 હજાર રૂપિયા ગુમાવ્યા છે. ભેજાબાજોએ Youtube લિંક Whatsapp પર મોકલીને લોકોને જોવાના નામે છેતરપિંડી આચરી છે. સૌથી પહેલા આ ઠગોએ ટાસ્ક આપી યુવકના ખાતામાં 150 રૂપિયા જમા કર્યા હતા. જે બાદ ફ્રી ટાસ્ક બાદ હાઈપેડ જુદા-જુદા ટાસ્કના નામે યુવક પાસેથી પૈસા પડાવ્યા હતા. યુવકને છેતરપિંડી થયાનો અહેસાસ થતા તેણે નોંધાવી હજીરા પોલીસ સ્ટેશનમાં ફરિયાદ નોંધાવી છે. આ મામલે હજીરા પોલીસ અને સાયબર ક્રાઇમ તપાસ કરશે.