દુર્ઘટના / સુરતમાં 14માં માળે સેંટિંગનું કામ કરી રહેલા 2 મજૂરના રામ રમી ગયા! નીચે પટકાતાં માથું ફૂટી ગયું

• ડીંડોલીમાં બાંધકામ સાઈટ પર 2 શ્રમિકના મોત
• નિર્માણાધીન બાંધકામ સાઈટ ઉપરથી પટકાયા
• 14માં માળે સેંટિંગનુ કામ કરતાં સમયે બની ઘટના

સુરતમાંથી ફરી એકવાર કમકમાટી ભરી ઘટના સામે આવી છે. સુરતના ડીંડોલી વિસ્તારમાં નિર્માણાધીન બાંધકામ સાઈટ પર દુર્ઘટના ઘટી છે. બાંધકામ સાઈટ પરથી નીચે પટકાતા બે શ્રમિકોના ઘટના સ્થળે જ મોત થયા છે. 

2 શ્રમિકાના મોત
ડીંડોલી વિસ્તારમાં બાંધકામનું કામ થઈ રહ્યું હતું. તે દરમિયાન 14મા માળે સેંટિંગનું કામ કરી રહેલા 2 શ્રમિકાના પડવાથી મોત થયા છે. સમગ્ર મામલે ડીંડોલી પોલીસે ઘટના સ્થળે પહોંચીને તપાસ હાથ ધરી છે. પોલીસે બંને મૃતદેહોનો કબજો લઈ PM અર્થે સ્મીમેર હોસ્પિટલ ખાતે ખસેડવામાં આવ્યા છે. 

વાંચવા જેવું: ગૌણ સેવા પસંદગી મંડળનું મોટું એલાન, 266 જગ્યાઓ માટે ભરતી બહાર પડાઇ, જાણો કયા પદ માટે

કોની બેદરકારી ?
ફરી એકવાર બાંધકામ સાઈટ પર દૂર્ઘટના ઘટી છે. જેમાં બે યુવકોના દર્દનાક મોત થયા છે. અત્રે ઉલ્લેખનીય છે કે, આ પ્રથમ બનાવ નથી પરંતુ રાજ્યમાં વિવિધ શહેરોમાં નવ નિર્માણ પામી રહેલી વિવિધ બાંધકામ સાઈટ પર આવા અવાર નવાર બનાવો બને છે. થોડા દિવસ અગાઉ એવો જ બનાવ મણિનગરમાં પણ બન્યો હતો. જો કે, આ દૂર્ઘટના કેવી રીતે ઘટી તે તપાસનો વિષય છે. પરંતુ ક્યાંકને ક્યાંક બેદરકારી જવાબદાર હોય તેવી પ્રાથમિક તારણ સામે આવ્યું છે

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો