- સુપ્રીમ કોર્ટનાં સેમ સેક્સ મેરેજને લઈને સુનાવણી
- કેન્દ્રે બહેન સાથેનાં સંબંધનો કર્યો ઉલ્લેખ
- વ્યભિચારને પરવાનગી ન આપી શકાય- CJI
સુપ્રીમ કોર્ટમાં સેમ સેક્સ મેરેજને લઈને ગુરુવારે સરકાર અને અરજદારોએ પોત-પોતાની દલીલો રજૂ કરી હતી. સુનાવણી દરમિયામ સોલિસિટર જનરલ તુષાર મહેતાએ સેક્યુએલ ઓરિએન્ટેશનનો ઉલ્લેખ કરતાં કહ્યું કે આ વિષયને લઈને પણ 2 મત છે.
બહેન સાથેનાં સંબંધનો ઉલ્લેખ કરાયો
કોર્ટની સામે પોતાની દલલી રાખતાં SG તુષાર મહેતાએ એક સ્થિતિની કલ્પના કરતાં કહ્યું કે માની લો કે કોઈ વ્યક્તિ પોતાની બહેન તરફ આકર્ષિત થાય છે અને સ્વાયત્તતાનો દાવો કરતાં કહે છે કે અમે ખાનગી ધોરણે આ પ્રવૃતિઓમાં શામેલ થવાનો દાવો કરી શકીએ છીએ. અને પછી તમે એવું કહીને પડકારી ન શકો કે તેના પર કઈ રીતે પ્રતિબંધિત લઈ આવી શકાય ?
અનાચારને પરવાનગી ન આપી શકાય- CJI
આ વાત પર સુપ્રીમ કોર્ટનાં CJI ચંદ્રચૂડે કહ્યું કે આ ઘણી દૂરની વાત છે. લગ્નનાં તમામ પાસાઓમાં સેક્સ્યુઅલ ઓરિયેન્ટેશન અને સ્વાયત્તતાનો પ્રયોગ ન કરી શકાય. એવો તર્ક ન આપી શકાય કે સેક્સુઅલ ઓરિયેન્ટેશન એટલું મજબૂત છે કે અનાચારની પરવાનગી આપી શકાય.
સમલૈંગિક ભાગીદારોનાં સામાજિક અધિકારો પર SC એ પૂછ્યાં પ્રશ્નો
દલીલ દરમિયાન સુપ્રીમ કોર્ટે સ્વીકાર્યું કે સમલૈંગિક લગ્નને કાયદાકીય માન્યતા પ્રદાન કરવાનો અધિકાર સંસદનો છે. કોર્ટે આ વિષય પર વિચાર કરવાનું કહ્યું કે વૈવાહિક દરજ્જો આપ્યાં વિના સમલૈંગિક ભાગીદારોને સામાજિક અધિકારોનો એક્સેસ કેવી રીતે આપી શકાશે. SCએ કહ્યું કે બેન્કિંગ, વીમા, પ્રવેશ વગેરે જેવી સામાજિક જરૂરિયાતો રહેશે જેના પર કેન્દ્રે કંઈક કરવું પડશે. આ વાત પર SGએ કહ્યું કે સરકાર કાયદાકીય માન્યતા આપ્યાં વિના આવા કેટલાક મુદાઓ કે જેનો તેઓ સામનો કરી રહ્યાં હશે તેનું નિવારણ લાવવા પર વિચાર કરી શકે છે.
