હે કુદરત. / અમદાવાદ, મહેસાણા સહિત આ જિલ્લાઓના હવામાનમાં અચાનક પલટો, પવનના સુસવાટા સાથે વરસાદી ઝાપટા, જાણો આગાહી

• અમદાવાદમાં વાતાવરણમાં પલટો
• કાળઝાળ ગરમી વચ્ચે બદલાયું વાતાવરણ
• બોડકદેવ, માનસી ચાર રસ્તા, વસ્ત્રાપુરમાં વરસાદ ચાલુ

હવામાન વિભાગ દ્વારા કમોસમી વરસાદ અંગે વધુ એક આગાહી કરી બે દિવસ સુધી વરસાદ પડે તેવી સંભાવના વ્યક્ત કરાય છે જેને લઈને અમદાવાદ શહેરના વાતાવરણમાં બપોર બાદ પલટો જોવા મળ્યો હતો. કાળઝાળ ગરમી વચ્ચે વાતાવરણ એકાએક બદલાયું હતું. પુરજોશમાં પવન ફૂંકાતા ધૂળની ડમરી ઊડતી હોય તેવા દ્રશ્યો સર્જાયા હતા. એટલું જ નહીં બોડકદેવ, માનસી ચાર રસ્તા, વસ્ત્રાપુર,યુનિવર્સિટી વિસ્તાર, નારણપુરા, નવરંગપુરા અને નારોલ, નિકોલ, બાપુનગર, વિશાલા ચાર રસ્તા સહિત આજુબાજુના વિસ્તારમાં કમોસમી વરસાદ પણ ત્રાટક્યો હતો.

વેસ્ટર્ન ડિસ્ટર્બન્સને કારણે રાજ્યમાં થઈ શકે છે વરસાદ
બીજી તરફ મહેસાણા જિલ્લાના વાતાવરણમાં પણ પલટો આવ્યો હતો અને વાદળછાયા વાતાવરણ વચ્ચે વરસાદ શરૂ થયો હતો. જેને લઈને ખેડૂતોમાં ચિંતાનો માહોલ છવાયો હતો. આ ઉપરાંત જિલ્લામાં અનેક વિસ્તારમાં વરસાદી ઝાપટા પડ્યા હતા.

મહેસાણા જિલ્લામાં વાદળછાયા વાતાવરણ વચ્ચે વરસાદ, પવનના સુસવાટા અને વીજળીના કડાકા સાથે ધૂળની ડમરીઓ ઉડી#Mehsana #RainInGujarat #unseasonalrain #VTVGujarati pic.twitter.com/4pUXjd6Ms6

— VTV Gujarati News and Beyond (@VtvGujarati) April 26, 2023

સરસિયામાં કરા સાથે વરસાદ 

 તો અમરેલીના ધારી ગીર પંથકમાં ધોધમાર વરસાદ શરૂ થયો હતો. ધારી ગીરના સુખપુર,ક્રાંગસા,ગોવિંદપુર સહિત ગીરના ગામડામાં ગાજવીજ સાથે ધોધમાર વરસાદ તથા સરસિયામાં કરા સાથે વરસાદ પડતા શેરીના માર્ગો પાણીમાં તરબતર થયા હતા. બીજી બાજુ વડોદરામાં વહેલી સવારે વાતાવરણ પલટો આવ્યા બાદ શહેરના અનેક વિસ્તારોમાં વહેલી સવારે છૂટો છવાયો વરસાદ પડ્યો હતો.

હવામાન વિભાગે કરી છે આ આગાહી!

અમરેલીના ધારી ગીર પંથકમાં ધોધમાર વરસાદ, ધારી ગીરના સુખપુર,ક્રાંગસા,ગોવિંદપુરમાં ધોધમાર વરસાદ, સરસિયામાં કરા સાથે વરસાદ વરસ્યો#Amreli #Gir #RainIngujarat #VTVGujarati pic.twitter.com/OQIUBvKk2U

— VTV Gujarati News and Beyond (@VtvGujarati) April 26, 2023

 રાજ્યમાં આગામી બે દિવસ કમોસમી વરસાદની આગાહી હવામાન વિભાગે કરી છે. ગુજરાતનાં ખેડુતોને ફરી એક વાર પાક નુકશાનીનો ભય સતાવી રહ્યો છે. રાજ્યના હવામાન વિભાગે ફરી એકવાર કમોસમી વરસાદની આગાહી કરી છે. આગાહી મુજબ 2 દિવસ સુધી રાજ્યના સૌરાષ્ટ્ર, કચ્છ અને દક્ષિણ ગુજરાતમાં કમોસમી વરસાદ પડી શકે તેવી શકયતા છે. હવામાન વિભાગની આગાહી મુજબ રાજ્યમાં આગામી 2 દિવસ સુધી કમોસમી વરસાદની સંભાવના છે. જેમાં ખાસ કરી ને સૌરાષ્ટ્ર, કચ્છ અને દક્ષિણ ગુજરાતમાં કમોસમી વરસાદની શક્યતા હોવાનું હવામાન વિભાગે જણાવ્યું છે.

હવામાન વિભાગની આગાહી મુજબ અમદાવાદ, ગાંધીનગર અને વડોદરામાં પવનની ગતિ તેજ રહેવાની આગાહી છે. આ સાથે વરસાદ સાથે રાજ્યમાં 39થી 40 ડિગ્રી વચ્ચે તાપમાન રહેશે. આ તરફ હવામાનની આગાહી પ્રમાણે તાપમાન 40 ડિગ્રીને પાર જવાની શક્યતા નહિવત્ છે. જોકે કમોસમી વરસાદે ખેડૂતોની ચિંતા વધારી દીધી છે.