- માતા વૈષ્ણો દેવી મંદિરમાં ભાગદોડ મચવાથી 12 લોકોના મોત
- સોશિયલ મીડિયા પર ભાગદોડના કેટલાક વીડિયો જારી થયા
- 26 ઘાયલોને સારવાર માટે હોસ્પિટલમાં દાખલ કરાવાયા
સોશિયલ મીડિયા પર ભાગદોડના કેટલાક વીડિયો જારી થયા
નવા વર્ષના પ્રસંગ પર માતા વૈષ્ણો દેવી મંદિરમાં ભાગદોડ મચવાથી 12 લોકોના મોત થયાના સમાચાર આવી રહ્યા છે. જમ્મુ કાશ્મીરના રિયાસી જિલ્લાની પોલીસે જણાવ્યું છે કે હાલ રાહત તથા બચાવ કાર્ય જારી છે અને સ્થિતિ નિયંત્રણમાં છે. સોશિયલ મીડિયા પર ભાગદોડના કેટલાક વીડિયો જારી થયા છે. જેમાં દાવો કરવામાં આવી રહ્યો છે કે નવા વર્ષના પ્રસંગ પર ભારે સંખ્યામાં શ્રદ્ધાળુઓ માતાના દર્શન માટે પહોંચ્યા હતા . આ દરમિયાન ભાગદોડ મચી હતી. જેના કારણે શ્રદ્ધાળુઓ દર્શન કર્યા વગર જ પાછા ફરી રહ્યા હતા.
માતા વૈષ્ણો દેવી મંદિરમાં ભાગદોડ મચવાથી 12 લોકોના મોત
બ્લોક મેડિકલ ઓફિસર ડો. ગોપાલ દત્તે જણાવ્યું કે માતા વૈષ્ણો દેવી મંદિરમાં ભોગદોડના કારણે 12 લોકોના મોત થયા છે. અત્યાર સુધી પાક્કો આંકડો સામે આવ્યો નથી. મરનારાને પોસ્ટ મોર્ટમ કરવામાં આવશે. આ ઉપરાંત ઘાયલોને નારાયણા હોસ્પિટલમાં મોકલવામાં આવ્યા છે. અત્યાર સુધી 26 ઘાયલોને સારવાર માટે હોસ્પિટલમાં દાખલ કરાવાયા છે. ઘટનાનું કારણ હજું સુધી જાણી શકાયું નથી. નવા વર્ષની પહેલી સવારે મોટી સંખ્યામાં ભારે ભીડ ઉમટી હોવાનું કારણે આ બન્યું હોવાનું મનાઈ રહ્યું છે.
હાલમાં સ્થિતિ નિયંત્રણમાં છે
ઘાયલ લોકોમાંથી અનેકની સ્થિતિ બહું ગંભીર છે. હાલમાં 26 ઘાયલોને માતા વૈષ્ણો દેવી નારાયણા સુપરસ્પેશિયાલિટી હોસ્પિટલમાં સારવાર માટે દાખલ કરવામા આવ્યા છે. રિયાસી પોલીસ કન્ટ્રોલ રુમે જણાવ્યું કે બચાવ તથા રાહત કાર્ય જારી છે. હાલમાં સ્થિતિ નિયંત્રણમાં છે. સ્થળ પર વૈષ્ણો દેવી શ્રાઈન બોર્ડના પ્રતિનિધિ અને અનેક વરિષ્ઠ પ્રશાસનિક અધિકારી પહોંચ્યા છે. ભાગદોડનું કારણ જાણી શકાયું નથી.
