Mahashivratri 2022 / આ વખતે મહાશિવરાત્રિ પર બની રહ્યો છે ખાસ યોગ, દૂર થશે જીવનના દરેક કષ્ટ, કરો ફક્ત આટલું

• 1 માર્ચે છે મહાશિવરાત્રી 
• મહાશિવરાત્રી પર બની રહ્યો છે ખાસ યોગ 
• કરો આ ખાસ પુજા થશે મનની ઈત્છા પુરી

મહાશિવરાત્રિ આ વખતે 01 માર્ચને મંગળવારે છે. હિન્દૂ ધર્મના પંચાંગ અનુસાર, દર વર્ષે ફાલ્ગુન મહિનાના કૃષ્ણ પક્ષની ચતુર્થીએ ધૂમધામની સાથે મહાશિવરાત્રિનો તહેવાર ઉજજવામાં આવશે. મહાશિવરાત્રિ પર ખાસ વ્રત રાખવામાં આવે છે. એવામાં આ વખતે મહાશિવરાત્રિ પર ખાસ યોગ બની રહ્યો છે. આ યોગમાં મહાશિવરાત્રિ પર ભગવાન શિવની પૂજા કરવાથી શત્રુઓ પર વિજય મળશે. તમારી યશ અને કીર્તિમાં વૃદ્ધિ થશે. આ વર્ષે મહાશિવરાત્રિ પર પંચગ્રહી યોગ પણ બની રહ્યો છે. એવામાં જાણીએ આ ખાસ યોગ અને પંચગ્રહી યોગ વિશે. 

જાણો પરિધ અને શિવ યોગમાં મહાશિવરાત્રિ 2022
માનવામાં આવી રહ્યું છે કે આ વર્ષે 2022માં મહાશિવરાત્રિ ફાગણ મહિનાના કૃષ્ણ પક્ષની ચતુર્થી વાળા દિવસે 01 માર્ચે સવારે 3.16થી શરૂ થઈ રહી છે. જે મોડી રાત્રે 1 વાગ્યા સુધી છે. એવામાં મહાશિવરાત્રિના દિવસે બે શુભ યોગ બની રહ્યા છે. એક મહાશિવરાત્રીનો પરિધ યોગ છે જે 11 વાગીને 18 મિનિટ સુધી રહેસે. ત્યાર બાદથી શિવ યોગ પ્રારંભ થવાનો છે જે 2 માર્ચે સાંજે 8 વાગીને 21 મિનિટ સુધી રહેવાનું છે. જણાવી દઈએ કે પરિધ યોગમાં જો તમે પોતાના શત્રુઓને પરાસ્ત કરવા માંગો છો તો પુજા કરવાથી તમે સફળ થઈ શકો છો. જ્યારે શિવ યોગ માંગલિક કાર્યો માટે સારો યોગ માનવામાં આવે છે. આ યોગમાં તમે કોઈ પણ શુભ કાર્ય કરી શકો છો. 

મહાશિવરાત્રિ પર પંચગ્રહી યોગ 
તમને જણાવી દઈએ કે આ વર્ષે 2022માં મહાશિવરાત્રિ વખતે પંચગ્રહી યોગ પણ બની રહ્યો છે. એવામાં આ ખાસ દિવસ મકર રાશિમાં મંગળ, શનિ, ચંદ્ર, શુક્ર અને બુધ ગ્રહ એક સાથે ઉપસ્થિત થઈને પંચગ્રહી યોગનું નિર્માણ કરવાના છે. 

શિવરાત્રિ પર પૂજા વિધિ 
ફાગણ માસની મહાશિવરાત્રિને વર્ષની સૌથી મોટી શિવરાત્રિમાંથી એક માનવામાં આવે છે. આ દિવસે બ્રહ્મ મુહૂર્તમાં સ્નાન કરવુ જોઈએ પછી ઘરમાં પૂજા સ્થળ પર જળથી ભરેલું એક કળશ સ્થાપિત કરવું અને બાદમાં કળશની પાસે ભગવાન શિવ અને માતા પાર્વતીની મુર્તીઓની સ્થાપના કરો. ત્યાર બાદ ભગવાન શિવ અને માતા પાર્વતીને અક્ષત, પાન, સોપારી, કંકુ, નાડાછડી, ચંદન, લવિંગ, ઈલાયચી, દૂધ, દહીં, મધ, ઘી, ધતુરો, બીલીપત્ર અને ફળ ચઢાવો. અંતમાં ભગવાન શિવ અને માતા પાર્વતીની આરતી કરવી જોઈએ.