WC 2019 / ભારતના આ દિગ્ગજ ક્રિકેટરે કાઢ્યો વરસાદનો તોડ, માત્ર 10 મિનિટમાં શરૂ કરી શકાશે મેચ

ગુરુવારે ટીમ ઇન્ડિયા અને ન્યૂઝીલેન્ડની મેચ વરસાદના કારણે રદ્દ થઇ, અહીં સુધી કે મેચ માટે ટોસ પણ ના થયો. એવામાં ICCની ખૂબ નિંદા થઇ રહી છે, ત્યારે સવાલ થઇ રહ્યા છે કે, ICCએ આ મામલે પહેલા કેમ ના વિચાર્યુ? વર્લ્ડકપના આયોજન કરતા સમયે હવામાનનો અંદાજ કેમ ના લગાવાયો? આ તમામ પ્રકારના સવાલ  ICC પર ઉઠી રહ્યા છે. 

એવામાં ટીમ ઇન્ડિયાના પૂર્વ કેપ્ટન સૌરવ ગાંગુલીએ ઇંગ્લેન્ડમાં થઇ રહેલી સતત વરસાદનો તોડ નીકાળી દીધો છે. સૌરવ ગાંગુલીએ જણાવ્યુ કે કઇ રીતે વરસાદ પછી પણ મેચ શરૂ કરી શકાય છે. ટીમ ઇન્ડિયાના પૂર્વ કેપ્ટન ગાંગુલીએ કહ્યુ કે, ઇડન ગાર્ડન્ડમાં ઉપયોગમાં લેવાતા ક્વર્સને ઇંગ્લેન્ડમાંથી જ માંગાવવામાં આવે છે. 

જો આ કવર્સનો ઇંગ્લેન્ડમાં જ ઉપયોગ કરાશે તો તે અડધી કિંમત પર ઉપલબ્ધ થશે અને ટેક્સ ફ્રી રહેશે. ગાંગુલી અનુસાર ભારતમાં આપે બધી મેચ માટે આ જ ક્વર્સનો ઉપયોગ કરીએ છીએ. એવામાં જ્યારે વરસાદ બંધ થાય છે તો 10 મિનિટની અંદર જ મેચ શરૂ થઇ જાય છે. વર્લ્ડકપ જેવી મહત્વપૂર્ણ ટૂર્માન્ટ ખાસ કરી ઇંગ્લેન્ડમાં જ્યાં વરસાદની મુશ્કેલી હોય ત્યારે આઉટફ્લિ્ડને ચોક્કસથી ઢાંકવી જોઇએ.

ઉલ્લેખનીય છે, વરસાદ દરમિયાન પહેલા માત્ર પિચ અને 30 યાર્ડ સર્કલનો એરિયા જ કવર્સથી ઢાંકવામાં આવતો, જોકે બંગાળ ક્રિકેટ સંધનું અધ્યક્ષ પદ સંભાળ્યા બાદ ગાંગુલીએ વરસાદમાં આખા મેદાનને હલકા કવર્સની ઢાંકવાની શરૂઆત કરી. તેનો ખૂબ ફાયદો પણ જોવા મળ્યો.