કડક સુરક્ષા / 'દાદા'ને મળશે હવે Y ને બદલે Z કેટેગરીની સુરક્ષા, બંગાળ સરકારે સૌરવ ગાંગુલીની સુરક્ષા વધારવાને લઈને કેમ કર્યો અચાનક નિર્ણય

• પશ્ચિમ બંગાળ સરકારે સૌરવ ગાંગુલીની સુરક્ષા વધારવાનો નિર્ણય લીધો 
• સૌરવ ગાંગુલીને Z કેટેગરીની સુરક્ષા આપવાનો નિર્ણય લેવામાં આવ્યો 
• બંગાળ સરકાર દ્વારા સુરક્ષા આપવી એ નવા રાજકીય સમીકરણનો સંકેત 

પશ્ચિમ બંગાળ સરકારે ભારતીય ક્રિકેટ ટીમના પૂર્વ કેપ્ટન સૌરવ ગાંગુલીની સુરક્ષા વધારવાનો નિર્ણય કર્યો છે. મમતા બેનર્જી સરકાર હવે ગાંગુલીને Z શ્રેણીની સુરક્ષા આપશે. નવી સુરક્ષા વ્યવસ્થા હેઠળ પૂર્વ બીસીસીઆઈ પ્રમુખની સુરક્ષા આઠથી દસ પોલીસકર્મીઓ દ્વારા કરવામાં આવશે. દાદા પહેલાથી જ Y લેવલની સુરક્ષાના વર્તુળમાં રહેતા હતા. હવે આમાં વધારો કરીને ગાંગુલી કે જેઓ BCCI અધ્યક્ષ હતા તેમને Z સ્તરની સુરક્ષા આપવામાં આવી રહી છે. અહેવાલો અનુસાર, સૌરવ ગાંગુલી દ્વારા સુરક્ષા વ્યવસ્થા વધારવા અંગે કોઈ વિનંતી કરવામાં આવી નથી. બંગાળ સરકારે તેની નોંધ લેતા સુરક્ષા વ્યવસ્થા વધારવાનો નિર્ણય લીધો છે. દાદાની સુરક્ષા પર કોઈ ખતરો છે કે કેમ તે હજુ સ્પષ્ટ નથી.

West Bengal govt decides to upgrade security cover of former Indian cricket team captain and ex-BCCI president Sourav Ganguly to Z category, says senior official

— Press Trust of India (@PTI_News) May 17, 2023

ગાંગુલીની સુરક્ષા કેમ વધી?

સૌરવ ગાંગુલી અગાઉ કેન્દ્ર સરકારની ખૂબ નજીક હતા. શાસક પક્ષ દ્વારા દાદાને તેમની પાર્ટીમાં જોડાવાની ઓફર પણ કરવામાં આવી હતી. જોકે પૂર્વ ભારતીય સુકાની આ માટે તૈયાર નહોતો. આ પછી અચાનક બંને વચ્ચે ખટાશના સમાચાર પણ સામે આવ્યા હતા.સૌરવને બીસીસીઆઈના અધ્યક્ષ પદ પરથી હટી જવું પડ્યું હતું. હવે બંગાળ સરકાર વતી દાદાને ઝેડ કેટેગરીની સુરક્ષા આપવી એ નવા રાજકીય સમીકરણનો સંકેત આપે છે. બીસીસીઆઈના પૂર્વ પ્રમુખને અગાઉ 'Y' શ્રેણીની સુરક્ષા હતી. ત્યારે હવે સરકારે ગાંગુલીની સુરક્ષાને અપગ્રેડ કરવાનો નિર્ણય કર્યો. બંગાળ સરકારના એક અધિકારીએ એક ન્યૂઝ એજન્સી જણાવ્યું, વીવીઆઈપી સુરક્ષા પૂરી થયા બાદ પ્રોટોકોલ મુજબ સમીક્ષા કરવામાં આવી હતી. જે બાદ ગાંગુલીની સુરક્ષાને Z શ્રેણીમાં અપગ્રેડ કરવાનો નિર્ણય લેવામાં આવ્યો હતો.

Former Indian cricket captain Sourav Ganguly's security cover to be upgraded to Z category by West Bengal Govt, say officials

(file pic) pic.twitter.com/CXwSdqflFp

— ANI (@ANI) May 17, 2023

અધિકારીઓ ગાંગુલીની ઓફિસે પહોંચ્યા

રાજ્ય સચિવાલયના પ્રતિનિધિઓ ગાંગુલીની બેહાલા ઓફિસ પહોંચ્યા, જ્યાં તેઓએ કોલકાતા પોલીસ હેડક્વાર્ટર લાલબજાર અને સ્થાનિક પોલીસ સ્ટેશનના અધિકારીઓ સાથે બેઠક કરી. ગાંગુલી હાલમાં તેની ટીમ દિલ્હી કેપિટલ્સ સાથે પ્રવાસ કરી રહ્યો છે અને 21 મેના રોજ કોલકાતા પરત ફરશે. તે દિવસથી તેને Z-કેટેગરીની સુરક્ષા મળવાનું શરૂ થશે. સૌરવ ગાંગુલી હાલમાં IPLમાં દિલ્હી કેપિટલ્સ સાથે સંકળાયેલો છે. તે દિલ્હીની ટીમમાં ડાયરેક્ટર ઓફ ક્રિકેટની ભૂમિકા ભજવી રહ્યો છે. જોકે તેની ટીમ આઈપીએલ 2023ના પ્લેઓફની રેસમાંથી પહેલા જ બહાર છે. આજે આ ટીમ પોતાની છેલ્લી લીગ લેવલ મેચ પંજાબ કિંગ્સ સામે ધર્મશાલામાં રમવા જઈ રહી છે.

બંગાળમાં કોની શું સુરક્ષા છે?

પશ્ચિમ બંગાળમાં રાજ્યપાલ સીવી આનંદ બોઝ, મુખ્યમંત્રી મમતા બેનર્જી અને તૃણમૂલ કોંગ્રેસના સાંસદ અને રાષ્ટ્રીય સચિવ અભિષેક બેનર્જીને ઝેડ પ્લસ સુરક્ષા મળે છે. ફિરહાદ હકીમ અને મોલોય ઘટક જેવા મંત્રીઓને ઝેડ શ્રેણીની સુરક્ષા આપવામાં આવી છે. ભાજપના પશ્ચિમ બંગાળના અધ્યક્ષ સુકાંત મજુમદારને CISF સુરક્ષા સાથે Z પ્લસ સુરક્ષા મળે છે.