ખુશખબર / બૉલીવુડની વધુ એક અભિનેત્રી બનશે માં, બેબી બમ્પની સાથે ફોટો શેર કરી પ્રશંસકોને આપી Good News

• બોલીવુડની ફેશન આઈકોન સોનમ કપૂર આહૂજા બનશે માં
• સોશિયલ મીડિયામાં તેના પ્રશંસકો અને ફોલોઅર્સ સાથે શેર કરી તસ્વીર
• પતિ આનંદ આહૂજાના ખોળામાં માથુ મુકીને આપ્યો પોઝ

સોનમ કપૂર બનશે માતા

સોનમ કપૂરે ઈન્સ્ટાગ્રામ પર તેની અમુક મોનોક્રોમ તસ્વીરો શેર કરી છે, જેમાં બ્લેક મેટર્નિટી મોનોકિની પહેરીને તે પતિ આનંદ આહૂજાના ખોળામાં તેનુ માથુ રાખીને પોઝ આપી રહી છે. ખૂબ જ સ્ટાઈલિશ તસ્વીર સાથે સોનમ કપૂરે પ્રશંસકોને જણાવ્યું છે કે તે માં બનવાની છે. શેર કરવામાં આવેલી તસ્વીરમાં સોનમ કપૂરનો બેબી બમ્પ પણ સ્પષ્ટ રીતે જોવા મળી રહ્યો છે. જેને જોયા બાદ અભિનેત્રીના પ્રશંસકો, ફૉલોઅર્સ અને મિત્રો તેમને પ્રેગનન્સીની શુભેચ્છા આપી રહ્યાં છે. ઘણી સેલિબ્રિટીઓએ સોનમ કપૂરની ફોટો પર કોમેન્ટ કરી તેમને પ્રેગનન્સીની શુભેચ્છા આપી છે અને ભાવિ બાળક માટે શુભેચ્છા આપી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Sonam Kapoor Ahuja (@sonamkapoor)

સોનમ કપૂરે તેના પતિ સાથેની શેર કરી તસ્વીર

તસ્વીરમાં સોનમ અને આનંદ આહૂજાની ખુશી સ્પષ્ટ રીતે જોવા મળી રહી છે. તસ્વીરને શેર કરીને સોનમ કપૂરે તેના બાળકો માટે સારો પ્રેમભર્યો મેસેજ પણ લખ્યો છે. તે લખે છે, ચાર હાથ. તમને મોટા કરવા માટે અમે જે પણ સારું કરી શકીશુ તે આવશ્ય કરીશુ. બે દિલ, જે તમારી સાથે એક જ સુરમાં ધડકશે. એક પરિવાર જે તમને પ્રેમ અને સપોર્ટથી સ્નાન કરાવશે. અમે તમારું સ્વાગત કરવા માટે વધુ રાહ નહીં જોઈ શકીએ. આ સાથે સોનમ કપૂરે રેડ હાર્ટ ઈમોજી પણ પોસ્ટ કરી છે. ઉલ્લેખનીય છે કે, સોનમ કપૂરની પ્રેગનન્સીને લઇને લાંબા સમયથી ચર્ચા ચાલી રહી હતી. પરંતુ અત્યાર સુધી તેમણે આ વાતની પુષ્ટિ કરી નહોતી. જો કે, હવે આ અભિનેત્રીએ તેની પ્રેગનન્સીની વાત પર સત્તાવાર મ્હોર મારી દીધી છે. તો તેના પ્રશંસકો તેને ભરપૂર શુભેચ્છાઓ આપી રહ્યાં છે.