ગાંધીનગરમાં હીટરના કારણે આખા ઘરમાં આગ લાગી હતી. પાણી ગરમ કર્યા બાદ અચાનક શોર્ટ સર્કિટમાં આગ લાગી હતી. આગ એટલી વિકરાળ હતી કે સમગ્ર ઘરમાં આગની ચપેટમાં આવી જવા પામ્યું હતું.
Share
ગાંધીનગરમાં હીટરના કારણે આખું ઘર સળગ્યુ
પાણી ગરમ કર્યા પછી શોર્ટ સર્કિટ થતાં લાગી આગ
ઘટનામાં તમામ સામાન બળીને ખાખ
લોકોને ચેતવણી આપતો કિસ્સો આજે બનવા પામ્યો છે. શિયાળામાં લોકો પાણી ગરમ કરવા માટે હિટરનો ઉપયોગ કરતા હોય છે. અને લાંબા સમય બાદ પાણી ગરમ થયા બાદ ન્હાવા જતા હોય છે. આજે ગાંધીનગરના રણાસણ ખાતે આવેલ ગુડાના મકાનમાં બી બ્લોકમાં રહેતા પરિવાર સવારે ઉઠીની નિત્યક્રમ મુજબ હિટરથી પાણી ગરમ કર્યા બાદ 17 વર્ષીય પ્રિન્સ ન્હાવ જતા અચાનક જ શોર્ટ સર્કીટ થતા સમગ્ર ઘરમાં વાયરીંગમાં શોર્ટ સર્કીટ થવા પામ્યું હતું અને જોત જોતામાં સમગ્ર ઘર આગની જ્વાળાઓમાં લપેટાઈ ગયું હતું. ત્યારે આ અંગેની જાણ ફાયર બ્રિગ્રેડની કરતા ફાયર બિગ્રેડના કાફલો તાત્કાલીક ઘટના સ્થળે આવી પહોંચ્યો હતો.
આગમાં ઘરની સામગ્રી બળીના ખાખ
જોત જોતામાં સમગ્ર ઘર આગની જ્વાળાઓમાં લપેટાઈ ગયું હતું
ગુડાનાં મકાનમાં બી બ્લોકમાં બી-003 માં રહેતા સંગીતાબેન જાદવનો દિકરો પ્રિન્સ અને તેમના પતિ નિત્યક્રમ મુજબ પોત પોતાના કામ માટે ઘરની બહાર ગયા હતા. પ્રિન્સ ઘરે એકલો હતો. પ્રિન્સે ન્હાવા માટે હિટરથી પાણી ગરમ મૂક્યું હતું. ત્યારે પાણી ગરમ થઈ ગયા બાદ પ્રિન્સ ન્હાવા જતા અચાનક જ સમગ્ર ઘરમાં શોર્ટ સર્કીટ થવા પામ્યું હતું અને સ્માર્ટ ટીવી સહિતની ઘરની ઈલેકટ્રોનિક્સ ચીજ વસ્તુઓ અચાનક જ આગમાં લપેટાઈ જવા પામ્યું હતું. ત્યારે જોત જોતામાં સમગ્ર ઘર આગની જ્વાળાઓમાં લપેટાઈ ગયું હતું.
સમગ્ર ઘર આગમાં ભસ્મીભૂત થઈ ગયું
શોર્ટ સર્કિટથી આગ લાગી હોવાનું માનવામાં આવી રહ્યું છેઃફાયર ફાઈટર
બ્લાસ્ટનો અવાજ એટલો વધુ હતો કે આસપાસના રહીશો પણ ડરના માર્યા ઘરની બહાર નીકળી ગયા હતા. આ અંગેની જાણ ગાંધીનગર ફાયર બ્રિગ્રેડને થતા ફાયર બ્રિગ્રેડનો સ્ટાફ તાત્કાલીક ઘટના સ્થળે દોડી ગયો હતો અને આગ ઓલવવાના કામગીરી હાથ ધરી હતી. ત્યારે ફાયર બ્રિગ્રેડની તપાસમાં પાણી ગરમ કરવાના હિટરથી પાણી ગરમ કર્યા બાદ શોર્ટ સર્કિટથી આગ લાગી હોવાનું માનવામાં આવી રહ્યું છે.
