ચોંકાવનારો ખુલાસો / મોહન ડેલકર આપઘાત કેસમાં ગુજરાતના ભાજપ નેતાનું નામ આવતા ખળભળાટ, કરાઈ SITની રચના

• દાદરા નગર હવેલીના પ્રશાસક પ્રફુલ્લ પટેલનું નામ આવતા મચ્યો ખળભળાટ
• પ્રફુલ્લ પટેલે જાનથી મારી નાખવાની ધમકી આપી હતી-સ્યુસાઈડ નોટમાં આરોપ 
• મોહન ડેલકર પ્રફુલ્લ પટેલ તથા ભાજપના બીજા નેતાઓનો દબાણ હેઠળ હતા

 મહારાષ્ટ્રના ગૃહમંત્રી અનિલ દેશમુખે વિધાનસભામાં જણાવ્યું કે મોહન ડેલકરે તેમની સ્યુસાઈડ નોટમાં જણાવ્યું હતું કે તેઓ મુંબઈમાં આપઘાત કરી રહ્યાં છે કારણ કે તેમને લાગતું હતું કે ફક્ત મહારાષ્ટ્ર સરકાર તેમને ન્યાય અપાવી શકશે.

મોહન ડેલકર શંકાસ્પદ મૃત્યુ કેસની તપાસ સીટ કરશે

મહારાષ્ટ્રના ગૃહમંત્રી અનિલ દેશમુખે દાદરા નગર હવેલીના સાંસદ મોહન ડેલકરના મોત કેસની તપાસ સીટ પાસે કરાવવાની જાહેરાત કરી છે. મોહન ડેલકરે સ્યુસાઈડ નોટમાં ઘણા ભાજપ નેતાઓ અને પ્રશાસક પ્રફુલ્લ પટેલના નામનો ઉલ્લેખ કર્યો છે.

MP Mohan Delkar suicide case will be investigated by SIT. Maharashtra Government will form an SIT for investigation: State Home Minister Anil Deshmukh in the state Assembly pic.twitter.com/6VYCfK4BUP

— ANI (@ANI) March 9, 2021

મોહન ડેલકરની આપઘાત નોટમા ચોંકાવનારા ખુલાસા
મહારાષ્ટ્રના ગૃહમંત્રી અનિલ દેશમુખના જણાવ્યાનુસાર મોહન ડેલકરે તેમની આપઘાતની નોટમાં લખ્યું હતું કે દાદરા નગર હવેલીના પ્રશાસક પ્રફુલ્લ પટેલ તેમની પારાવાર હેરાનગતિ કરી રહ્યાં છે અને તેઓ તેમને દબાણ કરી રહ્યાં છે.ડેલકરે કહ્યું હતું કે મને પ્રફુલ્લ પટેલ તરફથી સતત ધમકીઓ મળી રહી હતી.  પ્રફુલ્લ પટેલ મને જાનથી મારી નાખવાની પણ ધમકી આપી રહ્યાં હતા. ડેલકરની પત્ની અને પુત્રે પણ આ ચિંતા વ્યક્ત કરતો પત્ર લખ્યો હતો. 

ભાજપના  નેતાઓના દબાણને કારણે સાંસદને આપઘાત કરવાની ફરજ પડી-શિવસેના સાંસદ 

મોહન ડેલકર આપઘાત કેસની તપાસ સીટ દ્વારા કરાવવાના મહારાષ્ટ્ર સરકારના નિર્ણય પર પ્રતિક્રિયા વ્યક્ત કરતા શિવસેનાના રાજ્યસભા સાંસદ પ્રિયંકા ચતુર્વેદીએ જણાવ્યું કે મહહારાષ્ટ્ર સરકારે સારુ પગલું ભર્યું છે. ભાજપના કેટલાક નેતાઓના દબાણને કારણે સાંસદને આપઘાત કરવાની ફરજ પડી છે. તેમણે કહ્યું કે ખેદજનક છે કે કેન્દ્ર સરકારે બીજા આપઘાત કેસમાં સીબીઆઈ અને બીજી એજન્સીઓની તપાસમાં જે રીતે ઉતાવળ કરી તેવી ઉતાવળ મોહન ડેલકર કેસમાં કરાઈ નથી.