દુર્ઘટના / VIDEO: ઓમાન નજીક મધ દરિયે સલાયાનું 1200 ટનનું જહાંજ બળીને ખાખ, ખલાસીઓને કરાયા રેસ્ક્યુ

• સલાયાના જહાજમાં લાગી આગ
• ઓમાન નજીક મધ દરિયે જહાજમાં આગ
• તમામ ખલાસીઓ રેસ્ક્યૂ કરાયા

એક તરફ ગરમી તો બીજી તરફ આગના બનાવો વધી રહ્યા છે. ત્યારે કાળઝાળ ગરમીમાં દરિયા વચ્ચો વચ જહાજમ ભડકે બળ્યું.  ત્યારે દેવભૂમિ દ્વારાકા જિલ્લાના સલાયા બંદરના જહાંજમાં આગ લાગી. ઓમાન પાસે  સલાયાના જહાજમાં આગ લાગતા ધૂમાડાના ગોટેગોટા ઉડતા જોવા મળ્યા. જોઇ શકાય છે કે 10 માળની બિલ્ડીંગ જેટલા ઊંચા ધૂમાડા જોવા મળ્યા હતા. ચોમેર પાણી વચ્ચે સલાયાનુ જહાજ આગની ચપેટમાં આવતા બળીને ખાખ થઇ ગયું.

1200 ટનનું જહાંજ આગની ચપેટમાં

સલાયાના અલ ખીનજ નામના જહાંજમાં આગ લાગી હતી. સલીમ ભાયાની માલિકીનું જહાજ મધ દરિયે બળીને ખાખ થઇ ગયું.  1200 ટનના જહાજમાં આગ લાગતા જહાજ માલિકને કરોડોનું નુકસાન થવા પામ્યું છે. જો કે સદનસીબે કોઇ જાનહાનિ થવા પામી નથી પરંતુ જહાંજમાં સવાર તમામ ખલાસીઓને અન્ય બોટ મારફતે રેસક્યુ કરાયા છે. 

સલાયા બંદરથી પોરબંદર જતુ જહાંજ ડૂબ્યુ હતું

તો થોડા દિવસ અગાઉ 27મેના રોજ દેવભૂમિ દ્વારકાના સલાયા બંદરનું જહાંજ દરિયામાં ડૂબ્યુ હોવાનું સામે આવ્યું હતું.  દેવભૂમિ દ્વારકાના સલાયા બંદરથી પોરબંદર જવા નીકળેલું જહાજ દરિયામાં ડૂબી ગયું હતું. ગોષે જીલાની નામનું જહાજ સલાયા બંદરથી પોરબંદર માટે રવાના થયું હતું. ઘટનાની જાણ થતા જ કોસ્ટગાર્ડની ટીમ મદદે આવી પહોંચી હતી અને ડૂબતા જહાજમાંથી ક્રૂ સહીતના 6 લોકોને બચાવી લીધા હતા. આ ડૂબેલા જહાજનું વજન 400 ટન હતુ જો કે આ જહાજ શા કારણથી ડૂબ્યું એનું હજી સુધી કોઈ કારણ સામે આવ્યું નથી.