શેરબજાર / એક સમયે 800 રૂપિયાની નજીક હતો આ મોટી કંપનીનો શેર, આજે કિંમત 2 રૂપિયા: હવે ફરી આવી તેજી

• આ શેર એક સમયે 800 રૂપિયાની આસપાસ ટ્રેડ થતો હતો. 
• હવે આ શેર ઘટીને 2 રૂપિયા પર આવી ગયો છે.
• શેરમાં છેલ્લા કેટલાક સમયથી તેજીનું વલણ જોવા મળી રહ્યું છે. 

અત્યારે લોકો રોકાણ કરવા માટે સૌથી વધુ શેરબજારમાં પૈસા રોકે છે અને ત્યાંથી લોકોને સારું રિટર્ન પણ મળે છે. શેરબજારમાં ઘણા પ્રકારના શેરો હાજર છે, આમાંના ઘણા શેરોએ મલ્ટિબેગર વળતર આપ્યું છે જ્યારે ઘણા શેરોએ તેમના રોકાણકારોને ભારે નુકસાન પણ કર્યું છે. 

આજે અમે તમને એવા જ એક શેર વિશે જણાવવા જઈ રહ્યા છીએ જે એક સમયે 800 રૂપિયાની આસપાસ ટ્રેડ થતો હતો પરંતુ હવે ઘટીને 2 રૂપિયા પર આવી ગયો છે. જો કે આ શેરમાં છેલ્લા કેટલાક સમયથી તેજીનું વલણ જોવા મળી રહ્યું છે, પરંતુ તેના ત્રિમાસિક પરિણામોમાં ભારે ખોટ જોવા મળી છે. ચાલો તેના વિશે જાણીએ...

અમે જે સ્ટોક વિશે વાત કરી રહ્યા છીએ તેનું નામ રિલાયન્સ કોમ્યુનિકેશન (Reliance Communications)છે. રિલાયન્સ કોમ્યુનિકેશન્સનો સ્ટોક છેલ્લા કેટલાક સમયથી વધી રહ્યો છે. છેલ્લા 6 મહિનામાં, શેરે તેના રોકાણકારોને લગભગ 63 ટકા વળતર આપ્યું છે. એક મહિનામાં સ્ટોક 15 ટકાથી વધુ વધ્યો છે. NSE પર 9 ફેબ્રુઆરી 2024ના રોજ શેર રૂ. 2.20 પર બંધ થયો હતો.

વાસ્તવમાં રિલાયન્સ કોમ્યુનિકેશનના શેરમાં આ વધારો સરકાર દ્વારા લેવામાં આવેલા નિર્ણય બાદ જોવા મળી રહ્યો છે. કેન્દ્ર સરકારે રૂ. 96,317.65 કરોડની મૂળ કિંમતે મોબાઈલ ફોન સેવાઓ માટે આઠ સ્પેક્ટ્રમ બેન્ડની હરાજીને મંજૂરી આપી હતી. જે બાદ આરકોમમાં પણ ઉછાળો જોવા મળ્યો હતો. તે જ સમયે, નાદારીની પ્રક્રિયામાંથી પસાર થઈ રહેલી કેટલીક ટેલિકોમ કંપનીઓના વર્તમાન સ્પેક્ટ્રમને પણ આ હરાજીમાં વેચાણ માટે મૂકવામાં આવશે.

વધુ વાંચો: પહેલાં કોલ્ડ ડ્રિંક, હવે 'પાન પસંદ' ટૉફી..., મુકેશ અંબાણીએ ખરીદી 82 વર્ષ જૂની કંપની! કેટલાં કરોડમાં ડીલ ફાઇનલ

દરમિયાન, આરકોમે નાણાકીય વર્ષ 2023-24ના ત્રીજા ક્વાર્ટરના પરિણામો પણ રજૂ કર્યા છે જેમાં કંપનીને મોટું નુકસાન થયું છે. રિલાયન્સ કોમ્યુનિકેશન્સની ચોખ્ખી ખોટ ડિસેમ્બર 2022ના અંતે પૂરા થયેલા ક્વાર્ટરમાં રૂ. 9014.00 કરોડની સરખામણીએ ડિસેમ્બર 2023ના અંતે પૂરા થયેલા ક્વાર્ટરમાં વધીને રૂ. 2060 કરોડ થઈ હતી. ડિસેમ્બર 2023 ના રોજ પૂરા થયેલા ક્વાર્ટરમાં વેચાણ 21.67% ઘટીને રૂ. 94 કરોડ થયું છે. ડિસેમ્બર 2022ના અંતે પૂરા થયેલા છેલ્લા ત્રિમાસિક ગાળા દરમિયાન તે રૂ. 120 કરોડ હતું.