વૈશ્યાવૃતિ / સુરતની હોટલ-સ્પામાં ચાલી રહેલા 'સેક્સ બજાર'માં ઝડપાઈ 197 છોકરીઓ, ઘણી વિદેશીઓ

• સુરતમાં પોલીસે હોટલ-સ્પાના દરોડામાં ઝડપી 197થી વધુ છોકરીઓ
• છોકરીઓને તેમના ઘેર મોકલવાનો બંદોબસ્ત
• એક અઠવાડિયામાં 602 હોટલ-સ્પામાં દરોડા

ગુજરાતમાં સુરત પોલીસે એક અઠવાડિયાની અંદર 602 હોટલ અને સ્પા સેન્ટર પર દરોડા પાડ્યા છે. આ કાર્યવાહી બાદ માનવ તસ્કરીના 16 કેસ નોંધવામાં આવ્યા છે. સાથે જ નિયમોનું પાલન ન કરતા 188 હોટલ-સ્પા સેન્ટરના નામ પણ સામે આવ્યા છે. એક અધિકારીએ જણાવ્યું હતું કે આવી હોટલો અને સ્પા પોલીસના રડારમાં પ્રથમ હતા જે શાળા અથવા કોલેજોની નજીક છે. આ કાર્યવાહી બાદ અનેક હોટલ અને સ્પા સેન્ટરનું લાયસન્સ રદ કરવામાં આવશે.

હોટલો અને મસાજ પાર્લરોમાં ગેરકાયદેસર 'સેક્સ બિઝનેસ' પર તવાઈ 
રિપોર્ટ મુજબ સુરતની હોટલ-સ્પામાં ચાલતા 'સેક્સ માર્કેટ' પર પોલીસની કાર્યવાહી ઘણા અઠવાડિયાથી ચાલી રહી છે. અત્યાર સુધીમાં કુલ 90 કેસ નોંધાયા છે. આ સાથે જ પોલીસે ગેરકાયદે કામ કરતા 62 આરોપીઓની ધરપકડ કરી છે. આ હોટલો અને મસાજ પાર્લરોમાં ગેરકાયદેસર રીતે 'સેક્સ બિઝનેસ' ચાલતો હતો.
સુરત પોલીસ કમિશનર અજય તોમરે જણાવ્યું હતું કે આ વર્ષે ગેરકાયદેસર વેશ્યાવૃત્તિની પ્રવૃત્તિઓમાં સામેલ 197 છોકરીઓને વૈશ્યાવૃતિમાંથી બહાર કાઢવામાં આવી છે જેમાં 52 વિદેશી છોકરીઓ પણ સામેલ છે. 

સેક્સ બજાર પર ચાલ્યો ગુજરાત પોલીસનો હથોડો 
ગુજરાત પોલીસે ભૂતકાળમાં રાજ્યભરમાં સેંકડો સ્થળોએ દરોડા પાડ્યા હતા. મસાજ પાર્લર અને હોટલોમાં ચાલતા 'સેક્સ બિઝનેસ' સામે પોલીસે કડક કાર્યવાહી કરી હતી. સુરત પોલીસે તે હોટલો સામે કડક કાર્યવાહી કરી છે, જ્યાં રજિસ્ટરમાં નામ નોંધાવ્યા વિના રૂમ બુક કરવામાં આવ્યા હતા. એક પોલીસ અધિકારીના જણાવ્યા અનુસાર, આ વર્ષે સુરતમાં અત્યાર સુધીમાં 197 છોકરીઓને "દેહ વ્યાપાર" માંથી બચાવી લેવામાં આવી છે. જેમાં 145 ભારતીય યુવતીઓ અને 52 વિદેશી યુવતીઓનો સમાવેશ થાય છે. પોલીસે આવી હોટલો અને મસાજ પાર્લર સામે ગુનો નોંધ્યો છે. ઘણા લોકોની ધરપકડ કરવામાં આવી છે. જાણકારી મુજબ આ રેડ રાજ્યના તમામ જિલ્લામાં કરવામાં આવી રહી છે. દરોડા બાદ તેમાં સામેલ યુવતીઓને બહાર કાઢવામાં આવી રહી છે.

વૈશ્યાગિરીમાંથી બચાવાયેલી છોકરીઓ ફરી આવું કામ શરુ નહીં કરે તેની શું ગેરન્ટી

પોલીસે તો ઉત્તમ કામ કરીને છોકરીઓને વૈશ્યાવૃતિમાંથી બચાવી લીધી છે પરંતુ હવે સારી રીતે આજીવિકા કમાવવાનું કામ છોકરીઓનું છે. પરંતુ આ બધમાં સૌથી મોટો સવાલ એ છે કે વૈશ્યાગિરીમાંથી બચાવાયેલી છોકરીઓ ફરી આવું કામ શરુ નહીં કરે તેની શું ગેરન્ટી?