સુરત / મૌલવી અબુ બકરના ટાર્ગેટ પર હતા આ 3 લોકો, IB સહિતની એજન્સીઓ એલર્ટ, પૂછપરછમાં ઘટસ્ફોટ

હિન્દુ સંઘના નેતા ઉપદેશ રાણાની હત્યાના કાવતરાના કેસમાં સુરત કોર્ટે મૌલવીના 10 દિવસના રિમાન્ડ મંજૂર કર્યા છે.. તેના નિશાના પર ત્રણ લોકો હતા તેનો ખુલાસો થયો છે.. જેમાં નુપુર શર્મા, ટી.રાજા સિંહ અને ઉપદેશ રાણાનો સમાવેશ થાય છે

હિન્દુ નેતાને મારવાની ધમકી આપવાના આ કેસમાં ગૃહરાજ્યમંત્રી હર્ષ સંઘવીએ કહ્યું કે ઉપદેશ રાણાને ધમકી આપનારા લોકો પાકિસ્તાનથી હથિયાર મંગાવતા હતા. ઉપદેશ રાણાને મારવા માટે 1 કરોડથી સોપારી આપવામાં આવી હતી.

કોંગ્રેસે વોટબેંક માટે મૌલાનાને બચાવવા પ્રયાસ કર્યોઃ હર્ષ સંઘવી

ગૃહ રાજ્ય મંત્રીએ કહ્યું કે મૌલાના દેશના યુવાનોને ભડકાવવાનું કામ કરતો હતો. મદ્રેસાના માધ્યમથી યુવાનોમાં દેશ વિરોધી કૃત્ય કરવા ભડકાવતો હતો. કોંગ્રેસે આ મૌલાનાને બચાવવાનો પ્રયાસ કર્યો હતો. કોંગ્રેસ વોટબેંક માટે મૌલાનાને બચાવવા પ્રયાસ કરે છે પરંતુ આ મૌલાનાને અમે છોડીશું નહીં

આ પણ વાંચોઃ

નુપુર શર્મા સહિતના હિન્દુ નેતાઓની હત્યાનું કાવતરું ઘડનાર મૌલવીની સુરત ક્રાઇમ બ્રાન્ચે કરી ધરપકડ

1 કરોડમાં સોપારી આપવામાં આવી હતી

તેમણે કહ્યુ કે હિન્દુ સંઘના નેતા ઉપદેશ રાણાની હત્યા માટે આતંકી કનેક્શન ધરાવતા મૌલવી સોહેલને 1 કરોડમાં સોપારી આપવામાં આવી હતી. પરંતુ તે ષડયંત્રને પાર પાડે તે પહેલાં ક્રાઈમ બ્રાન્ચે મૌલવીને દબોચી લીધો