- રાજકોટ દક્ષિણ બેઠકમાં જામશે ખરાખરીનો ખેલ
- રાજકોટ દક્ષિણ બેઠકમાં કોંગ્રેસે હિતેશ વોરાને આપી ટિકિટ
- ભાજપમાં ગોવિંદ પટેલ, ભરત બોઘરા અને ધનસુખ ભંડેરી રેસમાં
- આમ આદમી પાર્ટીએ પણ શિવલાલ બારસિયાને ટીકીટ આપી
ગુજરાતમાં વિધાનસભા ચૂંટણીની તારીખો જાહેર થયા બાદ હવે દરેક પક્ષો ઉમેદવાર પસંદગીની કવાયત હાથ ધરી છે. તેવામાં 15% લેઉવા પટેલ, 12% બ્રાહ્મણ સાથેની સૌરાષ્ટ્રની રાજકોટ દક્ષિણ બેઠકમાં પણ રાજકારણ ગરમાયું છે. રાજકોટ દક્ષિણ બેઠક ઉપર હાલ ભાજપમાંથી હાલ ત્રણ નામો આગળ ચાલી રહ્યા છે. ભાજપમાં ગોવિંદ પટેલ, ભરત બોઘરા અને ધનસુખ ભંડેરી રેસમાં છે. તો કોંગ્રેસે દક્ષિણ બેઠકમાં હિતેશ વોરાને ટિકિટ આપી છે. આ સાથે આમ આદમી પાર્ટીએ પણ શિવલાલ બારસિયાને ટીકીટ આપી છે.
રાજકોટ દક્ષિણ બેઠકનું શું છે ગણિત ?
સૌરાષ્ટ્રની રાજકોટ દક્ષિણ બેઠકમાં લેઉવા પટેલ, બ્રાહ્મણ, કડીયા, લોહાણા અને સોની સમાજનું પ્રભુત્વ છે. આ સાથે કુલ મતદારો પૈકી લેઉવા પટેલ 15%, બ્રાહ્મણ 12%, કડીયા 10%, લોહાણા 9% અને સોની 9% અને અન્ય 43% છે. તેવામાં હવે ભાજપ દ્વારા પણ ગોવિંદ પટેલ, ભરત બોઘરા અને ધનસુખ ભંડેરી કે પછી અન્ય કોઈની પસંદગી કરવામાં આવી શકે છે. રાજકોટ દક્ષિણ બેઠક વિધાનસભા 70માં કુલ 2,58,673 મતદારો છે. જેમાં 1,32,933 પુરુષ મતદારો અને 1,25,736 સ્ત્રી મતદારો છે.
કોંગ્રેસે કોને આપી છે ટિકિટ ?
રાજકોટ દક્ષિણ બેઠકમાં કોંગ્રેસના ઉમેદવાર જાહેર કરવામાં આવ્યા છે. દક્ષિણ બેઠકમાં કોંગ્રેસે હિતેશ વોરાને ટિકિટ આપી છે.
હિતેશ વોરા લેઉવા પાટીદાર અને યુવા ઉદ્યોગપતિ છે. આ સાથે જિલ્લા કોંગ્રેસના પૂર્વ પ્રમુખ પણ છે. આ તરફ કોંગ્રેસના ઉમેદવાર હિતેશ વોરા સાથે VTVએ ખાસ વાતચીત કરી હતી. જેમાં હિતેશ વોરાએ જણાવ્યું હતું કે, કોંગ્રેસે મને નાની ઉંમરે મોટી જવાબદારી આપી છે અને હું ચૂંટણી માટે તૈયાર છું. આ સાથે તેમણે ઉમેર્યું હતું કે, દક્ષિણ બેઠકમાં છેલ્લા 15 વર્ષથી ભાજપનું શાસન છે.આ વખતે દક્ષિણ બેઠકમાં કોંગ્રેસની જીત થશે.
ભાજપમાં કોના નામની ચર્ચા ?
વિધાનસભાની ચૂંટણી જાહેર થયા બાદ હવે રાજકોટ દક્ષિણ બેઠક ઉપર હાલ ભાજપમાંથી હાલ ત્રણ નામો આગળ ચાલી રહ્યા છે. ભાજપમાં ગોવિંદ પટેલ, ભરત બોઘરા અને ધનસુખ ભંડેરી રેસમાં છે.
આમ આદમી પાર્ટી દ્વારા પણ ઉમેદવાર જાહેર
રાજકોટ દક્ષિણ બેઠકમાં કોંગ્રેસે અને આમ આદમી પાર્ટીએ ઉમેદવાર જાહેર કરી દીધા છે. તેવામાં હવે આ ચૂંટણીમાં વિધાનસભા 70માં આપના ઉમેદવાર પણ મજબૂત છે. આમ આદમી પાર્ટીએ શિવલાલ બારસિયાને ટિકિટ આપી છે.
ગુજરાતમાં વિધાનસભાની ચૂંટણી આગામી 1 અને 5 ડિસેમ્બરે યોજાનાર છે. જેમાં પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે યોજાશે. આ સાથે ગુજરાત વિધાનસભા ચૂંટણીની મતગણતરીની 8 ડિસેમ્બરે થશે. ગુજરાતમાં બે તબક્કામાં 1 ડિસેમ્બર અને 5 ડિસેમ્બરે મતદાન થશે. હિમાચલ પ્રદેશની સાથે ગુજરાતનું પણ પરિણામ 8મી ડિસેમ્બરે જાહેર થશે.
