- કન્નડમાં વાત કરવા માટે કોરિયોગ્રાફરને કરવામાં આવ્યો પરેશાન
- સલમાન યુસુફ ખાને શેર કર્યો વિડીયો
- મારો જન્મ બેંગ્લોરમાં થયો તો પણ હું કન્નડ નથી બોલતો
ડાન્સર અને કોરિયોગ્રાફર સલમાન યુસુફ ખાન પોતાની બિન્દાસ ડાન્સિંગ સ્ટાઇલને કારણે લોકો વચ્ચે ઘણો ફેમસ છે એવામાં હવે તે ફરી એકવાર ચર્ચામાં આવ્યો છે. જો કે ચર્ચામાં આવવાનું કારણ તેનો ડાન્સ નથી પણ તેની સાથે બનેલી એક ઘટના છે. જણાવી દઈએ કે સલમાને બેંગ્લોર એરપોર્ટ પર પોતાનો અનુભવ પોતાના ફેન્સ સાથે શેર કર્યો હતો જેમાં તેને સોશિયલ મીડિયા પર એક વીડિયો શેર કર્યો હતો અને એ વીડિયોમાં તે જણાવી રહ્યો છે કે કન્નડમાં વાત કરવા માટે તેને એરપોર્ટ પર તેને કેવી રીતે પરેશાન કરવામાં આવ્યો હેટ. એરપોર્ટ પર અધિકારીએ તેમને એટલા માટે હેરાન કર્યા કારણ કે તેઓ કન્નડ બોલી શકતા નહતા.
સલમાન યુસુફ ખાને શેર કર્યો વિડીયો
જણાવી દઈએ કે સલમાને લાઈવ આવીને પોતાનો અનુભવ ફેન્સ સાથે શેર કર્યો હતો જેમાં એમને કહ્યું હતું કે અત્યારે હું દુબઈ જઈ રહ્યો છું અને એરપોર્ટ પર સિક્યુરિટીને મળ્યો હતો જેને મને કન્નડમાં વાત કરવા માટે પરેશાન કર્યો હતો, મેં મને જેટલી કન્નડ ભાષા આવડતી હતી તેમાં કહેવાનો પ્રયત્ન કર્યો કે હું આ ભાષા જાણું છું પણ સારી રીતે બોલી શકતો નથી. જો કે આ પછી પણ અધિકારીએ કન્નડમાં વાત કરવાનું ચાલુ રાખ્યું અને મને મારો પાસપોર્ટ બતાવીને મને માતા-પિતાનું નામ અને જન્મ સ્થળ જણાવતા કહ્યું કે તમારા પિતાનો જન્મ બેંગ્લોરમાં થયો છે અને તમે કન્નડ ભાષા નથી જાણતા?
મારો જન્મ બેંગ્લોરમાં થયો તો પણ હું કન્નડ નથી બોલતો
સલમાને વીડિયોમાં આગળ કહ્યું કે અધિકારીને જવાબ આપતા કહ્યું કે હું કન્નડ નથી બોલતો અને મારો જન્મ બેંગ્લોરમાં થયો છે. એનો અર્થ એવો નથી કે હું એ ભાષા સાથે જન્મ્યો છું. હું બેંગ્લોરમાં જન્મ્યો છું અને દુનિયાની મુસાફરી કરી શકું છું. મેં ક્યારેય કન્નડ ભાષા નથી ભણી કારણ કે હું મારા શાળાના અભ્યાસ દરમિયાન ક્યારેય દેશમાં રહ્યો નથી. હું સાઉદીમાં ભણ્યો છું, હું જેટલી પણ પણ કન્નડ ભાષા જાણું છું તે મારા મિત્રો દ્વારા જાણું છું.
વડાપ્રધાનને પણ કન્નડ ભાષા નથી આવડતી
આગળ એમને જણાવ્યું કે, 'આ સાંભળીને અધિકારીએ તેને એમ કહ્યું કે જો તમે કન્નડ નથી બોલી શકતા તો હું તમારા પર શંકા કરી શકું છું. તેનો જવાબ આપતા મેં કહ્યું કે તમે મારા પર શા માટે શંકા કરી શકો છો. આપણી માતૃભાષા હિન્દી છે અને એ હું બોલું છું વડાપ્રધાનને પણ કન્નડ ભાષા નથી આવડતી. જ્યારે આ વિશે હું એરપોર્ટ પર ફરિયાદ કરવા ગયો તો ત્યાંથી પણ મને કોઈ મદદ મળી ન હતી. એમને મને કહ્યું કેફરિયાદ ઓનલાઈન નોંધાવવી પડશે. '
હાલ આ વીડિયો સોશિયલ મીડિયા પર વાયરલ થઈ રહ્યો છે અને ફેન્સ સલમાનને સપોર્ટ પણ કરી રહ્યા છે.
