આનંદો / આંગણવાડી અને તેડાગર બહેનો માટે સારા સમાચાર, મહિલા અને બાળ વિકાસ વિભાગે પગારમાં વધારાનો પરિપત્ર કર્યો જાહેર

• મહિલા અને બાળ વિકાસ વિભાગે વેતન વધારાનો પરિપત્ર જાહેર કર્યો
• આંગણવાડી કાર્યકર અને તેડાગરના માનદ વેતનમાં વધારો
• મહિલા અને બાળ વિકાસ વિભાગે વેતન વધારાનો પરિપત્ર જાહેર કર્યો

ગુજરાત વિધાનસભાની ચુંટણી પહેલા ગાંધીનગરમાં આંદોલનનો રાફડો ફાટ્યો હતો ખાસ કરીને સરકારી કર્મચારીઑ વિવિધ માંગણીઓને લઈ સરકાર સામે બાયો ચડાવી હતી. જે બાદ ગુજરાત સરકારના મંત્રીઑ એક્શન મોડમાં આવી ગયા હતા. અને એક બાદ એક કર્મચારીઑની મોટાભાગની માંગણીઓ સંતોષી પરિપત્ર કરવાની બાંહેધરી આપી હતી. જેમાંથી એક આંગણવાડી કર્મચારી બહેનો અને તેડાગર બહેનો માટે પણ પગાર વધારાનો નિર્ણય લેવામાં આવ્યો હતો. 

આંગણવાડી કાર્યકરનો પગાર વધારી 10 હજાર કરાયો,  તેડાગરનું વેતન 1550 વધારી 5500 કરાયું
જેને સંલગ્ન પરિપત્ર આજે જાહેર કરી દેવાયો છે. આંગણવાડી કાર્યકર અને તેડાગરના માનદ વેતનમાં વધારો કરવામાં આવ્યો છે. મહિલા અને બાળ વિકાસ વિભાગે વેતન વધારાનો પરિપત્ર જાહેર કર્યો છે. આંગણવાડી કાર્યકરનો પગાર વધારી 10 હજાર કરાયો છે. આંગણવાડી તેડાગરનું વેતન 1550 જેટલું વધારી 5500 કરાયું છે. 

આંગણવાડી કર્મચારી બહેનોનું આંદોલન શાંત કરવા ચર્ચા બાદ પગાર વધારાનો નિર્ણય લેવામાં આવ્યો હતો
મહત્વનું છે કે ગુજરાત સરકારે કર્મચારીઑની 15 માંથી 14 માંગ પુર્ણ કર્યા બાદ વધુ એક મોટો નિર્ણય આંગણવાડી કર્મચારી બહેનો માટે લેવામાં આવ્યો હતો. થોડા દિવસ અગાઉ શિક્ષણમંત્રી જીતુ વાઘાણીની પત્રકાર પરિષદ કરી જાહેરાત કરી હતી કે આંગણવાડી કર્મચારી બહેનોનું હાલનું વેતન 7800થી વધારી વેતન 10 હજાર કરાયું છે. આંગણવાડી કર્મચારી બહેનોના પગારમાં 2200નો વધારો કરવામાં આવ્યો છે. આ ઉપરાંત તેડાગરની બહેનોના વેતનમાં 1550નો વધારો કરાયો છે. 3950 વેતનથી વધારીને 5500 કરી દેવામાં આવ્યું છે. સાથે જ 1800 આંગણવાડી અપગ્રેડ કરવાનો નિર્ણય કરવામાં આવ્યો છે. રાજ્ય સરકાર 18.82 કરોડના સ્વખર્ચે  આંગણવાડીઓ અપગ્રેડ કરશે.  મંડળોએ પત્ર લખીને સરકારના નિર્ણયને વધાવ્યો છે. સરકારે ખુબ ઉદાર મનથી વેતન વધારાનો નિર્ણય કર્યો છે.