બિઝનેસ / પાંચ જ દિવસમાં બીજી વાર ડોલર સામે ઑલ ટાઈમ લૉ પર પહોંચ્યો રૂપિયો: બિઝનેસથી લઈને વિદેશમાં એજ્યુકેશન પર પડશે અસર

• રૂપિયો ઓલ ટાઈમ લૉ પર પહોંચી ગયો
• રૂપિયો સૌથી નીચલા સ્તરે પહોંચી ગયો
• બિઝનેસથી લઈને એજ્યુકેશન પર થશે અસર

રૂપિયો ઓલ ટાઈમ લૉ પર પહોંચી ગયો છે. શુક્રવારે અમેરિકી ડોલરની સરખામણીએ રૂપિયા 4 પૈસા ગગડી જતા રૂપિયો પ્રતિ ડોલરે 83.38 પર સૌથી નીચલા સ્તરે આવી ગયો છે. રૂપિયો 20 નવેમ્બરના રોજ ડોલરની સરખામણીએ 9 પૈસા ગગડી જતા 83.35ના સૌથી નીચલા સ્તરે પહોંચી ગયો હતો. 

વિદેશી ફંડ દેશની બહાર જવાને કારણે રૂપિયા પર પ્રેશર આવી ગયું છે. ઈન્ટરબેન્ક ફોરેન એક્સચેન્જ માર્કેટમાં પ્રતિ ડોલરે રૂપિયો 83.34ના સ્તરે ખુલ્યો હતો અને ટ્રેડના અંતમાં પ્રતિ ડોલરે રૂપિયા 83.38 પર બંધ થયો. ગુરુવારે પ્રતિ ડોલરે રૂપિયો 83.33 પર બંધ થયો હતો.

આયાત મોંઘી થશે
રૂપિયો ગગડી જવાને કારણે આયાત મોંઘી થઈ રહી છે, અમેરિકામાં હરવું ફરવું મોંઘુ થઈ ગયું છે. ડોલરની સરખામણીએ રૂપિયાની વેલ્યૂ 50 રૂપિયા હતી ત્યારે અમેરિકામાં ભારતીય  વિદ્યાર્થીઓને 50 રૂપિયામાં 1 ડોલર મળતો હતો. 1 ડોલર માટે વિદ્યાર્થીઓએ 83.38 રૂપિયા ખર્ચવા પડશે. 

રૂપિયો 1.4% નબળો પડી ગયો
રૂપિયો નવેમ્બરમાં 0.1% નબળો પડી ગયો છે. ચાલુ નાણાંકીય વર્ષમાં રૂપિયો 1.4% નબળો પડી ગયો છે. હાલના કેલેન્ડર વર્ષમાં રૂપિયો 0.7% નબળો પડી ગયો છે. મજબૂત વિદેશી પ્રવાહની મદદથી ચાલુ કેલેન્ડર વર્ષના પહેલા 6 મહિનામાં રૂપિયો 0.16% સુધી ઉપર આવ્યો છે. 

ડોલર ઈન્ડેક્ષમાં ઘટાડો
6 પ્રમુખ  મુદ્રાની સરખામણીએ અમેરિકી ડોલરની સ્થિતિ દર્શાવનાર ડોલર ઈન્ડેક્ષ 0.42%ના ઘટાડા સાથે 103.48 પર પહોંચી ગયો છે. આ ડોલર ઈન્ડેક્ષ 104.16 પરથી 103.48 પર આવી ગયો છે. બ્રેંટ ક્રૂડ ઓઈલ ફ્યૂચર્સનો ભાવ 0.66%ની તેજી સાથે પ્રતિ બેરલે ડોલર 81.14 પર રહ્યો છે.