ગુજરાત કેબિનેટ / ખેડૂતોની આશા બંધાઈ.! કમોસમી વરસાદ બાદ નુકસાની સહાય પર ઋષિકેશ પટેલનું મોટું નિવેદન, જુઓ શું કહ્યું

• કમોસમી વરસાદના કારણે નુકસાન બાબતે સર્વે થઇ રહ્યો છે
• 34 તાલુકાઓમાં 10 MM થી વધુ વરસાદ નોંધાયો છે
• પ્રથમ રાઉન્ડમા નુકશાન સામે આવ્યું છે
• નુકસાનીને ધ્યાનમાં રાખી સહાય જાહેર કરવામાં આવશે

કમોસમી વરસાદનાં કારણે નુકસાન બાબતે પ્રવક્તા ઋષિકેશ પટેલે જણાવ્યું હતું કે કે રાજ્યમાં કમોસમી વરસાદનાં કારણે થયેલ નુકશાન બાબતે સર્વે થઈ રહ્યો છે. તેમજ 34 તાલુકાઓમાં 10 મીમીથી વધુ વરસાદ નોંધાયો છે. ત્યારે 565 ટીમ દ્વારા સર્વેની કામગીરી થઈ રહી છે. રાજ્યના 64 તાલુકાના 27 ગામોથી વધુમાં 1.99 હજાર હેક્ટર અસરગ્રસ્ત વિસ્તારમાં સર્વેની કામગીરી પૂર્ણ થઈ છે.  ત્યારે 33 ટકા કે તેનાથી વધુ નુકશાન થયું હોય તેને સહાય મળે છે. તેમજ સહાયની યોજના સરકાર નક્કી કરશે. હજુ પણ વરસાદની સંભાવનાઓ વ્યક્ત થઈ છે. તેમજ પ્રથમ રાઉન્ડમાં નુકશાન સામે આવ્યું છે. જેમાં કૃષિ વિભાગ સરકાર સાથે રહી સહાય આપવા વિચારણા કરી રહી છે.  આગામી સમયમાં સરકાર પેકેજ બાબતે સહાય જાહેરાત કરશે. નુકશાનીને ધ્યાને રાખી સહાય જાહેર કરવામાં આવશે.