હવે વાર નહીં / VIDEO : 'રમવા આવી રહ્યો છું', સાજા થવાની વચ્ચે વાયરલ થયો ઋષભ પંતનો વીડિયો, ચાહકો બોલી ઉઠ્યાં 'લે આવું'

• ઋષભ પંત અકસ્માત ઈજામાંથી થઈ રહ્યો છે સાજો
• આઈપીએલમાં રમી શકે છે
• ટ્વિટ કરીને કર્યું મોટું એલાન
• રમવા આવી રહ્યો છું 

આઈપીએલ 2023 પહેલા ઋષભ પંતનો એક વીડિયો સોશિયલ મીડિયા પર ખૂબ ધૂમ મચાવી રહ્યો છે. આ વીડિયોમાં ઋષભ પંત કહેતો જોવા મળી રહ્યો છે કે 'હું રમવા આવી રહ્યો છું...'. 

It's time for a comeback 💪 #RishabhIsBack @zomato

...#Ad #PaidPartnership pic.twitter.com/N2whFvsNdw

— Rishabh Pant (@RishabhPant17) March 29, 2023

પ્રમોશનલ વીડિયો છે 
ઋષભ પંતનો વાયરલ થઈ રહેલો વીડિયો એક પ્રમોશનલ વીડિયો છે અને પંત ક્રિકેટના મેદાન પર પરત ફરી રહ્યો નથી, પરંતુ અકસ્માત બાદ તેની આ ઝલક જોઇને ફેન્સ ઘણા ખુશ છે. સર્જરી બાદ પંત ખૂબ જ ઝડપથી સ્વસ્થ થઈ રહ્યો છે અને આશા રાખવામાં આવી રહી છે કે તે ટૂંક સમયમાં જ ક્રિકેટના મેદાન પર ફરી એકવાર ફેન્સનું મનોરંજન કરતો જોવા મળશે. 

ક્રિકેટ અને ભોજન વગર નથી રહી શકતો 
વાયરલ વીડિયોમાં પંત એમ કહેતો જોવા મળી રહ્યો છે કે, 'હું બે વસ્તુ વગર રહી શકતો નથી... ક્રિકેટ અને ભોજન. હવે છેલ્લા બે મહિનામાં હું ક્રિકેટ રમી શક્યો નહતો, પણ ડૉક્ટરે મને કહ્યું હતું કે સાજા થવા માટે સારું ખાવાનું. પછી ધીરે ધીરે દરેક જણ તેમની પ્રેક્ટિસમાં વ્યસ્ત થઈ ગયું કારણ કે ક્રિકેટની સિઝન શરૂ થવાની હતી. પછી મેં વિચાર્યું કે દરેક જણ રમી રહ્યું છે, તો મારે શા માટે ન રમવું જોઈએ... એવું લાગે છે કે હું હજી પણ ગેમમાં છું ... હું રમવા આવી રહ્યો છું. આ વીડિયો પોસ્ટ કરતી વખતે પંતે લખ્યું, 'હવે પાછા આવવાનો સમય આવી ગયો છે. 

ડિસેમ્બર 2022ના અંતમાં નડ્યો હતો અકસ્માત 
ઉલ્લેખનીય છે કે 25 વર્ષીય સ્ટાર વિકેટકિપર-બેટ્સમેનને ડિસેમ્બરના અંતમાં અકસ્માત નડ્યો હતો. આ અકસ્માતમાં તેની કાર ખોવાઇ ગઇ હતી, પરંતુ સારા નસીબના કારણે પંત બચી ગયો હતો.  તે ભયાનક અકસ્માત બાદ પંત લાંબા સમયથી ક્રિકેટથી દૂર છે. તે આઇપીએલની આગામી સિઝનમાં દિલ્હી કેપિટલ્સ તરફથી પણ રમવાનો નથી. તેના રિપ્લેસમેન્ટ તરીકે અભિષેક પોરેલને ટીમમાં સામેલ કરવામાં આવ્યો છે, જ્યારે કેપ્ટન્સીની જવાબદારી ડેવિડ વોર્નરને સોંપવામાં આવી છે.