પૈસા હી પૈસા હોગા / ભારતમાં અમીરોની સંખ્યામાં થયો 11 ટકાનો વધારો, જાણો સૌથી પૈસાદાર લોકો કયા શહેરમાં રહે છે

• દેશમાં અમીર લોકોની સંખ્યામાં વધારો 
• જાણો સૌથી વધુ પૈસાદાર લોકો કયા શહેરમાં રહે છે 
• અરબપતિની લિસ્ટમાં ભારત ત્રીજા નંબર પર

દેશભરમાં આ સમયે અમીરોની સંખ્યામાં વધારો જોવા મળી રહ્યો છે. સ્ટોક માર્કેટમાં છેલ્લા દિવસોમાં તેજી અને ડિજિટલ ક્રાંતિના કારણે ભારતમાં અમીરોની સંખ્યામાં વધારો થયો છે. દેશમાં ત્રણ કરોડ અમેરિકી ડોલર એટલે કે તેનાથી વધુ સંપત્તિ વાળા ધની લોકોની સંખ્યામાં ગયા વર્ષે 11 ટકાનો વધારો થયો છે. 

અરબપતિની લિસ્ટમાં ભારત ત્રીજા નંબર પર 
રિપોર્ટ અનુસાર વધુ ધનીક લોકોની સંખ્યામાં આ વધારો શેર બજારોમાં તેજી અને ડિજિટલ ક્રાંતિના કારણે થઈ છે. ભારત 2021માં વિશ્વ સ્તર પર અરબપતિઓની આબાદીમાં ત્રીજા સ્થાન પર છે. અમેરિકા 748 અરબપતિઓની સાથે પહેલા સ્થાન પર છે. જ્યાર બાદ 554 અરબપતિઓની સાથે ચીનનું સ્થાન છે. ભારત 145 અરબપતિઓની સાથે ત્રીજા સ્થાન પર છે. 

ગ્લોબલ સ્તર પર વધી અમીરોની સંખ્યા 
સંપત્તિ સલાહકાર નાઈટ ફ્રેંકે 'ધ વેલ્થ રિપોર્ટ 2022'ના પોતાના તાજા સંસ્કરણમાં કહ્યું કે ગ્લોબલ સ્તર પર વધુ ધની લોકોની સંખ્યા 2021માં 9.3 ટકા વધીને 6,10,569 થઈ ગઈ જે આ પહેલા વર્ષ 5,58,828 હતી. 

11 ટકા વધ્યા અમીર 
નાઈટ ફ્રેંકે એક નિવેદનમાં કહ્યું, "ભારતમાં વધુ ધની લોકોની સંખ્યામાં 2021માં વર્ષના આધાર પર 11 ટકાની વૃદ્ધિ થઈ છે." રિપોર્ટ અનુસાર, ભારતમાં વધુ નેટવર્થ વાળા અમીરોની સંખ્યા 2021માં 13,637 હતી જે તેના ગયા વર્ષે 12,287 હતી. 

બેંગ્લોરમાં સૌથી વધારે અમીર 
સૌથી વધુ ધની લોકોની સંખ્યામાં સૌથી વધુ વધારો બેંગ્લોરમાં જોવા મળ્યો. ત્યાં જ તેની સંખ્યા 17.1 ટકા વધીને 352 થઈ ગઈ. ત્યાર બાદ દિલ્હીમાં 12.4 ટકા વધીને 210 રહી. મુંબઈમાં નવ ટકા વધીને 1,596 રહી.