હર હર મહાદેવ / કપાળે ચંદન, ગળામાં માળા...: રવિના ટંડને દીકરી સાથે પૂર્ણ કરી 12 જ્યોતિર્લિંગની યાત્રા, તસવીરો શેર કરીને કહ્યું- જય શ્રી રામ

• રવિના ટંડન રિઅલ લાઈફમાં ધાર્મિક છે
• રવિના ટંડને અને તેની દીકરીએ 12 જ્યોતિર્લિંગના કર્યા દર્શન
• રવિના ટંડન અવારનવાર ધાર્મિક સ્થળ પર જોવા મળે છે

બોલિવુડ અભિનેત્રી રવિના ટંડને દિલકશ એક્ટિંગથી કરોડો ફેન્સના દિલમાં પોતાનું એક અલગ ઓળખ ઊભી કરી છે. રવિના ટંડને તેની પુત્રી રાશા સાથે ઘણા ફોટોઝ શેર કરતી રહે છે. રવિના ટંડન રિઅલ લાઈફમાં ધાર્મિક છે, તે અવારનવાર ધાર્મિક સ્થળ પર જોવા મળે છે. ઘણીવાર રવિના ટંડન અને તેની દીકરી રાશા થડાની પણ સાથે જોવા મળે છે. તાજેતરમાં જ રવિનાએ તેની પુત્રી રાશા થડાની સાથે રામેશ્વરમ જ્યોતિર્લિંગના દર્શન કર્યા હતા.

 

 

 

 

View this post on Instagram

 

 

 

 

 

 

 

 

 

 

 

A post shared by Raveena Tandon (@officialraveenatandon)

રવિના ટંડને ઈન્સ્ટાગ્રામ એકાઉન્ટ પર ફોટોઝ શેર કર્યા છે. જેમાં રવિના ટંડન અને તેની દીકરી બંને રામેશ્વરમ જ્યોતિર્લિંગના દર્શન કરતા જોવા મળે છે. રવિનાએ પોસ્ટ શેર કરીને જણાવ્યું કે, તેણે અને તેની દીકરી રાશાએ 12 જ્યોતિર્લિંગની મુલાકાત લીધી હતી. ફોટોઝમાં રવિના અને રાશા હાથ જોડીને ભગવાનના દર્શન કરતી જોવા મળે છે. રવીનાએ કેપ્શનમાં લખ્યું, “કેદારનાથથી રામેશ્વરમ સુધી, 12 પવિત્ર જ્યોતિર્લિંગના દર્શન પૂર્ણ… તમામ વસ્તુ માટે ભગવાન શિવની આભારી છું… હર હર મહાદેવ, જય ભોલેનાથ શિવ શંભુ… રામ સેતુથી પ્રારંભ જય શ્રી રામ”

આ પોસ્ટ પર શિલ્પા શેટ્ટીએ પણ કમેન્ટ કરી ‘વાહ અદભુત છે, હર હર મહાદેવ’. રવિના ટંડન હાલમાં મિલિંદ સોમન સાથે સસ્પેન્સ થ્રિલર ફિલ્મ વન ફ્રાઈડે નાઈટમાં જોવા મળી હતી. રવિના ટંડન વર્ષો પછી અક્ષય કુમાર સાથે આગામી કોમેડી ફિલ્મ ‘વેલકમ ટૂ ધ જંગલ’માં જોવા મળશે. આ ફિલ્મમાં દિશા પટની તથા અન્ય સ્ટાર્સ પણ જોવા મળશે. એક સમય એવો પણ હતો જ્યારે શિલ્પા શેટ્ટી અને રવિના ટંડન એકબીજા સાથે વાત પણ નહોતા કરતા. આ બંને હિરોઈનનું નામ અક્ષય કુમાર સાથે જોડાઈ ચૂક્યું છે.