India A vs England Lions / અમદાવાદની ધરા પર રજત પાટીદારે ફટકારી સેન્ચુરી, ઈંગ્લેન્ડના બોલર્સની કરી ધોલાઈ

• ઈન્ડિયા A અને ઈંગ્લેન્ડ લાયન્સ વચ્ચે ટેસ્ટ શ્રેણી રમાશે
• ટેસ્ટ શ્રેણી પહેલા બંને ટીમો વચ્ચે પ્રેક્ટિસ મેચ 
• રજત પાટીદારે ભારત A માટે શાનદાર પ્રદર્શન કર્યું 

ઈંગ્લેન્ડ લાયન્સ ટીમ ભારતના પ્રવાસે છે. ઈન્ડિયા A અને ઈંગ્લેન્ડ લાયન્સ વચ્ચે અહીં એક ટેસ્ટ શ્રેણી રમાવાની છે. આ પહેલા બંને ટીમો વચ્ચે પ્રેક્ટિસ મેચ રમાઈ રહી છે. રજત પાટીદારે ભારત A માટે શાનદાર પ્રદર્શન કર્યું હતું અને આ મેચમાં સદી ફટકારી હતી. રજતે પોતાની ઇનિંગ દરમિયાન 18 ચોગ્ગા અને એક છગ્ગો ફટકાર્યો હતો. આ પહેલા ઈંગ્લેન્ડ લાયન્સની ટીમ 233 રનના સ્કોર સુધી સિમિત રહી હતી.

India A squad for the Warm-up game and first four-Day match against England Lions.#abhimanyueaswaran #RajatPatidar #saisudharsan #ksbharat #navdeepsaini #indiandomesticcricket #Indiancricket #INDvENG #TestCricket #CricketTwitter pic.twitter.com/0FGJxnizk0

— Sportz Point (@sportz_point) January 6, 2024

રજત પાટીદારે શાનદાર સદી ફટકારી

ઈન્ડિયા A માટે કેપ્ટન અભિમન્યુ ઈશ્વરન અને રજત પાટીદાર ઓપનિંગ કરવા આવ્યા હતા. આ દરમિયાન ઇશ્વરન 42 બોલમાં 32 રન બનાવીને આઉટ થયો હતો. જ્યારે પાટીદાર અણનમ રહ્યો હતો. તેણે 141 બોલનો સામનો કર્યો અને 111 રન બનાવ્યા. રજતની આ ઇનિંગમાં 18 ચોગ્ગા અને એક છગ્ગાનો સમાવેશ થાય છે. રજત પહેલા પણ ઘણી મેચોમાં શાનદાર પ્રદર્શન કરી ચુક્યો છે. જો કે ઈંગ્લેન્ડ સામેની ટેસ્ટ શ્રેણીની પ્રથમ બે મેચ માટે તેને ટીમ ઈન્ડિયામાં સ્થાન મળ્યું નથી. સમાચાર લખાય ત્યાં સુધી ભારત A એ 3 વિકેટ ગુમાવીને 224 રન બનાવ્યા હતા. સરફરાઝે શાનદાર બેટિંગ કરી અને 52 બોલમાં 41 રન બનાવ્યા. જ્યારે કેએસ ભરત 12 રન બનાવીને રમી રહ્યો હતો. ભરતની આ ઇનિંગમાં 3 ચોગ્ગા સામેલ હતા. તેને ટીમ ઈન્ડિયામાં સ્થાન મળ્યું છે. ભરત ઈંગ્લેન્ડ સામેની ટેસ્ટ મેચની પ્લેઈંગ ઈલેવનમાં પણ જગ્યા બનાવી શકે છે.

HUNDRED FOR RAJAT PATIDAR...!!!!

Patidar smashed hundred from 131 balls against England Lions in the Warm-up game while opening the innings - He is continuing his terrific run in all formats. 🔥👌#RajatPatidar #INDvsENG #IndAvEngLions pic.twitter.com/99hcxYJGtm

— Dipanjan Chatterjee (@DottFour) January 13, 2024

વધુ વાંચો : બે ગુજરાતી બોલર્સ, ઈશાન કિશન પર વિવાદ...: ટીમ ઈન્ડિયાની નવી ટીમમાં શું છે ખાસ?

ઈંગ્લેન્ડ લાયન્સની ટીમે પ્રથમ બેટિંગ કરીને 233 રન બનાવ્યા

ઉલ્લેખનીય છે કે ઈંગ્લેન્ડ લાયન્સની ટીમે પ્રથમ બેટિંગ કરીને 233 રન બનાવ્યા હતા. તેના માટે ઓપનર એલેક્સ લીસે 46 બોલનો સામનો કરીને 35 રન બનાવ્યા હતા. જેનિંગ્સે 25 રનની ઇનિંગ રમી હતી. આ દરમિયાન ભારત A માટે માનવ સુથારે સારી બોલિંગ કરી હતી. તેણે 11 ઓવરમાં 45 રન આપીને 3 વિકેટ ઝડપી હતી. આકાશ દીપે 8 ઓવરમાં 28 રન આપીને 2 વિકેટ લીધી હતી. તુષાર દેશપાંડે અને કાવેરપ્પાને પણ એક-એક વિકેટ મળી હતી.