નવસારીના વાસંદામાં ભારે વરસાદના કારણે ચારેય બાજુ પાણી ભરાઈ ગયા છે. વાંસદાના ઉપસડ ગામમાં વરસાદી પાણી ઘરોમાં ઘુસી જતાં ભારે નુક્સાન થવા પામ્યુ છે.
નવસારીના વાંસદામાં ઘરોમાં પાણી ભરવાની શરૂઆત
ભારે વરસાદના કારણે ઉપસડ ગામમાં ઘરોમાં 3 ફૂટ જેટલા પાણી ઘૂસ્યા
વાંસદા તાલુકામાં 24 કલાક દરમિયાન 5 ઇંચથી વધ વરસાદ
નદીઓ અને ચેકડેમોમાં પાણીની આવક વધી
નદીઓ અને ચેકડેમોમાં પાણીની આવક વધી
એક જ રાતમાં નવસારીના વાંસદામાં આભ ફાટ્યું છે. વાંસદા તાલુકામાં છેલ્લા 24 કલાકમાં 5 ઈંચ જેટલો વરસાદ આકાશમાંથી ઝીંકાયો છે. જેને લઈને વાંસદા સહિત તાલુકાના આસ-પાસના ગામોમાં ચારે બાજુ પાણી પાણી થઈ ગયુ છે. વાત કરીએ નવસારી જિલ્લાના વાસંદ તાલુકાના ઉપસડ ગામની તો ભારે વરસાદ તેમજ ઉપરવાસમાં પણ પડેલા વરસાદને કારણે જિલ્લાની નદીઓમાં ઘોડાપૂર આવી ગયા છે. જેને લઈને ઉપસડ ગામમાં લોકોના ઘરોમાં પાણી ઘૂસી ગયા છે.
ઘરોમાં 3 ફૂટ જેટલા પાણી ભરાતા ઘર વખરીને નુકસાન
આમ ભારે વરસાદના કારણે નવસારી જિલ્લાના વાંસદા તાલુકામાં જળબંબાકારની સ્થિતિ બની છે. બીજી તરફ નવસારીની નદી કિનારાના ગામડાઓ અને નવસારી શહેરના નીચાણવાળા વિસ્તારો જળમગ્ન બન્યા છે. જેને લઈને ઘર વખરીને ભારે નુક્સાન થયું છે. બીજી તરફ ભારે વરસાદના કારણે જિલ્લા વહીવટી તંત્ર હાઈ એલર્ટ મોડપર આવી ગયું છે. અને રાહતકાર્ય અને બચાવકાર્યની ટીમને સ્ટેન્ડબાય મોડ રહેવાનો આદેશ જાહેર કરાયો છે.