રાજકારણ / પંજાબની રાજનીતિમાં નવા જુનીના એંધાણ ! નવજોત સિંહ સિદ્ધુએ કહ્યું-આવતીકાલે CM માનને મળીશ

• પૂર્વ પંજાબ કોંગ્રેસ અધ્યક્ષનું નિવેદન
• આવતીકાલે મુખ્યમંત્રી ભગવંત માનને મળીશ
• સિદ્ધુ કોંગ્રેસમાંથી રાજીનામું આપે તેવી સંભાવના
• પંજાબ ચૂંટણીમાં કારમી હાર બાદ સોનિયા ગાંધીએ લઈ લીધું હતું રાજીનામું 

પંજાબ કોંગ્રેસના પૂર્વ અધ્યક્ષ નવજોત સિંહ સિદ્ધુ હવે કોંગ્રેસમાંથી રાજીનામું આપીને આમ આદમી પાર્ટીમાં જોડાય તેવી સંભાવના છે. પંજાબ વિધાનસભાની ચૂંટણીમાં કારમી હાર બાદ સોનિયા ગાંધીએ પ્રદેશાધ્યક્ષ પદેથી તેમનું રાજીનામું લઈ લીધું હતું ત્યારથી તેઓ કોંગ્રેસમા હાંસિયા ધકેલાઈ ગયા હતા અને તેથી તેમણે હવે નવી રાજકીય જમીન શોધવાની તૈયારી કરી છે. આ ક્રમમાં હવે સિદ્ધુએ એવી જાહેરાત કરી છે કે આવતીકાલે (સોમવારે) તેઓ પંજાબના સીએમ ભગવંત માનને મળવાના છે.

Will meet CM @BhagwantMann tomorrow at 5:15 PM in Chandigarh to discuss matters regarding the revival of Punjab’s economy . . . Punjab’s Resurrection is only possible with an honest collective effort . . .

— Navjot Singh Sidhu (@sherryontopp) May 8, 2022

સૌના સાથ અને સહકારથી જ પંજાબની કાયાપલટ થશે-સિદ્ધુ  

સિદ્ધુએ કહ્યું કે સોમવારે તેઓ સીએમ ભગવંત માનને મળવાના છે.રાજ્યના આર્થિક પુનરોદ્ધારની ચર્ચા કરવા માટે તેઓ સીએમને મળશે. તેમણે કહ્યું કે સૌના સાથ અને સહકારથી જ પંજાબની કાયાપલટ થશે. 

સિદ્ધુની સીએમ માન સાથેની મુલાકાતને રાજનીતિ સાથે જોડવામાં આવી રહી છે
ઉલ્લેખનીય છે કે નવજોત સિંહ સિદ્ધુની સીએમ માન સાથેની આવતીકાલની મુલાકાતને રાજનીતિ સાથે જોડીને જોવામાં આવી રહી છે. સિદ્ધુ ઘણા સમયથી કોંગ્રેસથી નારાજ હોવાનું જણાવાઈ રહ્યું છે એટલે કે પક્ષપલટો કરે તેવી શક્યતા છે.

સિદ્ધુ અનેકવાર સીએમ માન પર કરી ચૂક્યા છે પ્રહાર
ઉલ્લેખનીય છે કે સિદ્ધુ ભૂતકાળમાં સીએમ માન પર અનેક વાર પ્રહાર કરી ચૂક્યા છે. હવે તેમણે માન સાથેની મુલાકાત જાહેર કરીને રાજનીતિમાં નવી ચર્ચા જગાવી છે.