રજૂઆત / પાકિસ્તાનની જેલમાં ગુજરાતનાં માછીમારનું મોત, મૃતદેહ પરત લાવવા કોંગ્રેસે CM ભૂપેન્દ્ર પટેલને કરી રજૂઆત

• કોંગ્રેસના ધારાસભ્ય પૂજા વંશે CMને લખ્યો પત્ર
• પાક.જેલમાં બંધ માછીમારોને લઇને રજૂઆત
• મૃત્યુ પામેલા માછીમારનો મૃતદેહ પરત લાવવા  રજૂઆત

ઉના વિધાનસભા બેઠકના કોંગ્રેસના ધારાસભ્ય પૂંજા વંશે પાકિસ્તાની જેલમાં કેદ માછીમારોને પરત લાવવા અંગે સીએમ ભૂપેન્દ્ર પટેલને પત્ર લખ્યો છે. ઉનાના ગરાળ ગામના માછીમારનું પાકિસ્તાનની જેલમાં મોત થયું છે.  તેઓના મૃતદેહને પરત લાવવા રજૂઆત કરવામાં આવી છે. આ ઉપરાંત પણ પાકિસ્તાન જેલમાં બંધ તમામ માછીમારોને સરકાર દ્વારા વિદેશ મંત્રાલય સાથે વાત કરીને વ્યવસ્થા કરવા રજૂઆત કરી. 

400 થી વધુ ભાઈઓ પાકિસ્તાનની જેલમાં બંધ

આ અંગે વધુમાં તેઓએ જણાવ્યું કે ખલાસીઓ દરિયામાં જાય છે અને તેઓને પાકિસ્તાની સિક્યુરિટી દ્વારા બંદૂકના નાળચે પકડી લેવામાં આવે છે. ભારત સરકારના સમયાંતરે પ્રયાસ કરવામાં આવે છે પરંતુ માછીમાર ભાઇએ પરત નથી આવતા. 400થી વધુ ભાઇઓ પાકિસ્તાન જેલમાં બંધ છે. તેઓએ જણાવ્યુ કે મારી વિધાનસભાના કાળુભાઇ શિયાળ માછીમારી કરવા ગયા હતા,પાકિસ્તાની જેલમાં તેઓનું અવસાન થયુ છે. તેમનો મૃતદેહ પરિવારને મળે તે માટે સીએમને પત્ર લખ્યો છે. 

પાકિસ્તાન જેલમાં 20 માછીમારો બીમાર 

 પાકિસ્તાન જેલમાં 20થી વધુ માછીમારો બીમાર હાલતમાં છે. તમામ બંધકોને સીએમ કેન્દ્ર સરકાર સાથે ચર્ચા કરીને છોડાવ. માછીમારોને મુક્ત કરવામાં આવે તેવી અમારી માંગ છે. પરંતુ સરકાર જાહેરાત અને આશ્વાસન માત્ર કાગળ પર હોય તેમ લાગી રહ્યું છે.  ત્યારે હવે જોવુ એ રહેશે કે સરકાર દ્વારા પાકિસ્તાનની જેલમાં બંધ માછીમારોને છોડાવા માટે કેવા પગલા લેવાશે.