દબદબો / PM મોદીનો વિદેશ પ્રવાસ: 19 થી 21 મે સુધી જાપાનના હિરોશિમામાં રોકાશે, G7 સમિટમાં લેશે ભાગ, જાણો સમગ્ર કાર્યક્રમ

• પ્રધાનમંત્રી નરેન્દ્ર મોદી આગામી 19થી 24 મે વિદેશ પ્રવાસે
• પ્રધાનમંત્રી નરેન્દ્ર મોદી 19થી 21 મે સુધી જાપાનના હિરોશિમામાં રોકાશે 
• 22 મેએ જાપાનના પોર્ટ મોરેસ્બીની મુલાકાત લેશે 

પ્રધાનમંત્રી નરેન્દ્ર મોદી આગામી 19થી 24 મે વિદેશ પ્રવાસે જઈ રહ્યા છે. જે મામલે વિદેશ મંત્રાલય દ્વારા જાહેરાત કરાઈ છે. વડાપ્રધાન નરેન્દ્ર મોદી શુક્રવારે વિદેશ મંત્રાલય ગ્રૂપ ઓફ સેવન અને ક્વાડ સહિત ત્રણ મહત્ત્વની બહુપક્ષીય સમિટમાં ભાગ લેવા જાપાન, પાપુઆ ન્યુ ગિની અને ઓસ્ટ્રેલિયાની છ દિવસની મુલાકાતે જશે.સત્તાવાર રીતે જાહેર થયેલી વિગત અનુસાર પીએમ મોદી 19થી 21 મે સુધી જાપાનના હિરોશિમામાં રોકાશે. વધુમાં જાપાનમાં યોજાનારી G7 સમિટમાં ભાગ લેશે. બાદમાં 22 મેએ જાપાનના પોર્ટ મોરેસ્બીની મુલાકાત લેશે. ત્યારબાદ 22થી 24 મે દરમિયાન ઓસ્ટ્રેલિયાની મુલાકાત લેશે. મહત્વનું છે કે 22 મેના દિવસે પાપુઆ ન્યૂ ગિનીના PM જેમ્સ મારાપે સાથે મુલાકાત કરશે.

‘Opportunity to deepen partnerships’: US State dept on PM Modi's June visithttps://t.co/DOmxAcg31D

via NaMo App pic.twitter.com/oMSsuddYk3

— PMO India (@PMOIndia) May 16, 2023

મોદી જાપાનમાં યોજાનારી G7 સમિટમાં લેશે ભાગ

આ ઉપરાંત ફોરમ ઈન્ડિયા-પેસિફિક આઈલેન્ડની કોર્પોરેશન સમિટમાં પણ ભાગ લેવા જશે. તેમજ ઓસ્ટ્રેલિયાના સિડનીમાં ક્વાડ સમિટમાં પણ ભાગ લેશે.નોંધનીય છે કે ઓસ્ટ્રેલિયાના PM એન્થોની અલ્બેનિઝ દ્વારા  ક્વાડ સમિટનું આયોજન કરવામાં આવ્યું છે. જેનો અમેરિકી રાષ્ટ્રપતિ જો બાઈડેન અને જાપાનના PM ફ્યુમિયો કિશિદા સહિતના આગેવાનો હિસ્સો બનશે.

ઓસ્ટ્રેલિયાના PM એન્થોની અલ્બેનિઝે કર્યું છે ક્વાડ સમિટનું આયોજન

વિદેશ મંત્રાલયે એક નિવેદનમાં જણાવ્યું હતું કે, “સમિટ દરમિયાન, વડાપ્રધાન શાંતિ, સ્થિરતા અને સમૃદ્ધિ સહિતના વિષયો પર વિચારો રજૂ કરવામાં આવશે. આ સિવાય તેઓ ખાદ્ય, ખાતર અને ઉર્જા સુરક્ષા, સ્વાસ્થ્ય, લિંગ સમાનતા, ક્લાઈમેટ ચેન્જ અને પર્યાવરણ, સ્થિતિસ્થાપક ઈન્ફ્રાસ્ટ્રક્ચર અને વિકાસ સહયોગ પર ચર્ચા કરશે.