મનોરંજન / 'સારું છે લોકોને હવે કાશ્મીર વિશે...', આર્ટિકલ 370ને લઇ PM મોદીએ કર્યા યામી ગૌતમના વખાણ

જમ્મુ કાશ્મીરમાંથી હટાવવામાં આવેલુ આર્ટિકલ 370 એક વખત ફરી ચર્ચામાં છે. હકીકતે આ વખતે ફિલ્મ આર્ટિકલ 370ને લઈને ચર્ચાઓ થઈ રહી છે. ખાસ વાત એ છે કે ફિલ્મને લઈને ખુદ પ્રધાનમંત્રી નરેન્દ્ર મોદીની પણ પ્રતિક્રિયા સામે આવી છે. પોતાના એક સંબોધન વખતે તેમણે આ ફિલ્મ વિશે વાત કરી છે. 

પીએમ મોદીએ કહ્યું કે, "સાંભળ્યું છે આ અઠવાડિયે ફિલ્મ આર્ટિકલ 370 આવી રહી છે સારૂ છે તેનાથી લોકોને આ વિશે જાણકારી મળશે." પ્રધાનમંત્રી નરેન્દ્ર મોદીએ આ વાત પોતાના જમ્મુ-કાશ્મીર પ્રવાસની વચ્ચે કહી છે. 

#WATCH | Jammu: Prime Minister Narendra Modi says, "I have heard that a film on Article 370 is going to be released this week... It is a good thing as it will help people in getting correct information." pic.twitter.com/FBe8yOFnPJ

— ANI (@ANI) February 20, 2024

યામી ગૌતમને લઈને પણ કહી મોટી વાત 
પોતાના સંબોધનમાં પ્રધાનમંત્રી નરેન્દ્ર મોદીએ આર્ટિકલ 370 ફિલ્મને લઈને રિએક્શન આપ્યું છે. તેમણે કહ્યું કે તે સમયે આ આર્ટિકલને હટાવવા માટે શું થયું તેના વિશે ફિલ્મ દ્વારા લોકો સુધી યોગ્ય જાણકારી પહોંચી જશે. પહેલાની સરકારોએ હંમેશા તેને હટાવવાને લઈને અવરોધો ઉભા કર્યા છે. પરંતુ અમારી સરકાર મારી ગેરેન્ટી હતી કે અમે જમ્મુ-કાશ્મીરમાંથી આર્ટિકલ 370 હટાવીને રહીશું. અમે આમ જ કર્યું. 

વધુ વાંચો: વિરુષ્કાનો પુત્ર બન્યો સોશ્યલ મીડિયા સ્ટાર, 24 કલાકમાં જ બન્યા હજારો ફેક એકાઉન્ટ

પીએમ મોદીએ કહ્યું કે ટીવી પર મેં ફિલ્મનું ટ્રેલર પણ જોયું. હવે દુનિયા જાણી શકશે કે આખરે આર્ટિકલ 370 કેવી રીતે હટાવવામાં આવ્યું. જોકે તેમણે એમ પણ કહ્યું કે મને ફિલ્મ વિશે વધારે જાણકારી નથી. પરંતુ તેનાથી લોકોને હકીકત જરૂર સમજ આવશે.