- આજે ગુજરાત સ્થાપનાં દિવસ
- PM મોદીએ આપી શુભકામનાઓ
- મહાત્મા ગાંધી અને સરદારને કર્યા યાદ
PM મોદીએ કરી કરી ટ્વિટ
ગુજરાતની જનતાને રાજ્યના સ્થાપના દિવસ નિમિતે મારી શુભેચ્છાઓ ! મહાત્મા ગાંધી, સરદાર પટેલ અને અન્ય મહાનુભાવોના આદર્શોથી પ્રેરિત, ગુજરાતના લોકો તેમની વિવિધ સિદ્ધિઓ માટે વ્યાપકપણે પ્રશંસનીય છે. આવનારા વર્ષોમાં ગુજરાત અવિરત પ્રગતિ કરતું રહે એવી અભિલાષા…
મહારાષ્ટ્ર રાજ્યને પણ ટ્વિટ કરીને આપી શુભેચ્છા
PM મોદીએ મહારાષ્ટ્ર રાજ્યને પણ શુભેચ્છાઓ પાઠવી હતી. તેમણે લખ્યું હતું કે આ રાજ્યે દેશના વિકાસમાં મોટો ફાળો આપ્યો છે. આ રાજ્યના લોકોએ વિવિધ ક્ષેત્રોમાં મહારત હાંસલ કરી છે. હું તેઓની સમૃદ્ધિ માટે પ્રાર્થના કરું છું.
CM ભૂપેન્દ્ર પટેલે પણ આપી શુભેચ્છા
CM ભૂપેન્દ્ર પટેલે ટ્વિટ કરીને લખ્યું હતું કે આઝાદીના અમૃતકાળમાં આપણું ગુજરાત સામાજિક, આર્થિક અને સાંસ્કૃતિક વિકાસના નવા સીમાચિન્હો સર કરે અને ભારત માતાને પરમ વૈભવના શિખરે પહોંચાડવામાં ગુજરાત શિરમોર યોગદાન આપે તે માટે, આવો. આજે આપણે સૌ ગુજરાત ગૌરવ દિવસના અવસરે સંકલ્પબદ્ધ થઈએ.
ગુજરાતે દેશને વિકાસની રાજનીતિ તરફ વાળ્યોઃ CM
પ્રધાનમંત્રી શ્રી નરેન્દ્ર મોદીના રાજમા વિકાસની રાજધાનીનો નવો જ અધ્યાય રચાયો છે. ગુજરાતે વિકાસ કેવો હોય અને વિકાસની રાજધાની કેવી હોય તે સૌનો સાથ અને સૌનો વિકાસ કરીને દેશ અને દુનિયાને બતાવ્યું છે.
પ્રધાનમંત્રીશ્રીની દીર્ઘદ્રષ્ટિથી દેશના જનજનમાં નવી આશાનો સંચાર થયો છે. આપણે તેમના જ નેતૃત્વમાં આત્મનિર્ભરતા તરફ આગળ વધી રહ્યા છે. દેશ આઝાદીનો અમૃત મહોત્સવ ઉજવી રહ્યો છે જેમાં કેટલાક સંકલ્પો લેવામાં આવ્યા છે. પ્રધાનમંત્રીના નેતૃત્વમાં સૌનો સાથ, સૌનો વિકાસ, સૌનો વિશ્વાસ અને સૌનો પ્રયાસ કરી આગળ વધી રહ્યા છીએ. આ દિવસ આણા સૌ માટે વિશેષ છે.
મહારાષ્ટ્ર દિવસ અને ગુજરાત દિવસ
1 મે, 1960 ના રોજ બોમ્બે રાજ્યને મહારાષ્ટ્ર અને ગુજરાત એમ બે અલગ રાજ્યમાં વહેંચવામાં આવ્યું. આ બંને રાજ્યોની રચનાને 60 વર્ષ પૂરા થયા છે. એક સમયે ગુજરાત અને મહારાષ્ટ્ર એક જ રાજ્યનો ભાગ હતા.
પરંતુ આઝાદી પછી, મરાઠાઓ અને ગુજરાતીઓ વચ્ચે અલગ રાજ્યની માંગ શરૂ થવા લાગી. જે પછી 1 મે 1960 ના રોજ તત્કાલીન વડા પ્રધાન જવાહરલાલ નહેરુ સરકારે મહારાષ્ટ્ર અને ગુજરાત એમ બે અલગ અલગ રાજ્યોના પ્રસ્તાવને મંજૂરી આપી. આ દિવસથી, 1 મે બંને રાજ્યોમાં સ્થાપના દિવસ (મહારાષ્ટ્ર દિવસ અને ગુજરાત દિવસ) તરીકે ઉજવવામાં આવે છે.
બોમ્બે રિઓર્ગેનાઈઝેશન એક્ટ, 1960
ગુજરાત રાજ્ય 1 મે, 1960 ના રોજ અસ્તિત્વમાં આવ્યું. તે જ દિવસે, મરાઠી ભાષી લોકોની માંગને પૂરી કરવા માટે માટે મહારાષ્ટ્રની પણ રચના કરવામાં આવી. આ બંને રાજ્યો બોમ્બે સ્ટેટમાંથી અલગ કરવામાં આવ્યા હતા જ્યાં આ બે ભાષાકીય જૂથોએ તેમના અલગ રાજ્યોની માંગ કરી હતી. તેમની માંગ પૂરી કરવા માટે બોમ્બે રિઓર્ગેનાઈઝેશન એક્ટ, 1960 દ્વારા રાજ્યોની રચના કરવામાં આવી હતી.
ત્યારથી, રાજ્ય સ્થાપના દિવસ ખૂબ જ ઉત્સાહ અને ઉત્સાહ સાથે ઉજવવામાં આવે છે.
આ દિવસે અનેક સાંસ્કૃતિક કાર્યક્રમો, સ્પર્ધાઓ અને સેમિનારનું આયોજન કરવામાં આવે છે. આ વર્ષે ગુજરાત દિવસની ઉજવણી માટે પાટણ શહેરમાં ભવ્ય કાર્યક્રમ યોજાશે. ગુજરાતની સંસ્કૃતિ, વારસો અને વારસાની ઉજવણી કરવા માટે આ કાર્યક્રમના આયોજન માટે તડામાર તૈયારીઓ કરવામાં આવી છે.
