નિર્ણય / દિલ્હીથી લઈને કોલકાતા સુધી 5 શહેરોમાં નંખાશે પ્લાન્ટ, ચાલુ વર્ષે 61 હજાર કરોડનું ટર્નઑવર: આણંદમાં અમૂલની AGM પૂર્ણ

• અમૂલે ચાલુ વર્ષે 61 હજાર કરોડનું ટર્નઓવર હાંસલ કર્યું
• 12 વર્ષમાં દૂધ ખરીદીમાં 190 ટકાનો થયો વધારો
• આગામી 2 વર્ષમાં દિલ્લી, વારાણસી, રોહતકમાં નવા પ્લાન્ટ બનશે
• કલકત્તા અને બાગપતમાં પણ પ્લાન્ટ બનાવવામાં આવશે

આણંદમાં અમૂલ ફેડરેશનની AGM પૂર્ણ થઈ છે. અમૂલે ચાલુ વર્ષે 61 હજાર કરોડનું ટર્નઓવર હાંસલ કર્યુ છે. આ સાથે અમૂલે વિશ્વમાં સૌથી મોટા ડેરી સંઘ તરીકે 8માં નંબરનું સ્થાન મેળવ્યુ છે. આ તરફ હવે અમૂલ દ્વારા દિલ્હીથી લઈને કોલકાતા સુધી 5 શહેરોમાં પ્લાન્ટ નાખવાનું નક્કી કરાયું છે. નોંધનીય છે કે, 12 વર્ષમાં દૂધ ખરીદીમાં 190%નો વધારો પણ થયો છે. 

આણંદમાં અમૂલ ફેડરેશનની AGM પૂર્ણ 

આણંદમાં અમૂલ ફેડરેશનની AGM યોજાઇ હતી. જેમાં અનેક અમૂલના વિકાસ અને હવે પછીના પ્લાન્ટ વિશે ચર્ચા કરવામાં આવી હતી. વિગતો મુજબ અમૂલ દ્વારા દિલ્હીથી લઈને કોલકાતા સુધી 5 શહેરોમાં પ્લાન્ટ નાખવાનું નક્કી કરાયું છે.  તો વળી અમૂલે વિશ્વમાં સૌથી મોટા ડેરી સંઘ તરીકે 8માં નંબરનું સ્થાન પણ મેળવ્યુ છે.

અમૂલ દ્વારા 5 શહેરોમાં પ્લાન્ટ નંખાશે 

આણંદમાં અમૂલ ફેડરેશનની AGM બાદ હવે મોટા સમાચાર સામે આવ્યા છે. વિગતો મુજબ અમૂલ દ્વારા આગામી 2 વર્ષમાં દિલ્હી, વારાણસી, રોહતકમાં નવા પ્લાન્ટ બનશે. આ સાથે કલકત્તા અને બાગપતમાં પણ પ્લાન્ટ બનાવવામાં આવશે. અમૂલ ડેરીમાં 12 વર્ષમાં દૂધ ખરીદીમાં 190%નો વધારો થયો છે. 

અમૂલની સ્થાપના અને ઇતિહાસ 

અમૂલ એક સહકારી દૂધ મંડળી છે જેની સ્થાપના 1946માં થઈ હતી. અમૂલ એ ગુજરાત સહકારી દૂધ વિતરણ સંઘ લિ. (ગુજરાત કો-ઓપરેટિવ મિલ્ક માર્કેટિંગ ફેડરેશન લિમિટેડ) દ્વારા સંચાલિત એક બ્રાન્ડ છે. અમૂલ આણંદમાં આવેલી છે અને સહકારી સંસ્થાની લાંબા ગાળાની સફળતાનું ખુબજ ઉત્તમ ઉદાહરણ છે. અમૂલ ભારતની શ્વેત ક્રાંતિ છે, જેથી ભારત વિશ્વમાં દૂધ અને દૂધ ઉત્પાદનો સૌથી મોટું ઉત્પાદક બન્યું છે. તે વિશ્વની સૌથી મોટી શાકાહારી માખણની બ્રાન્ડ પણ છે.