વાસ્તુ / તુલસી-મનીપ્લાન્ટ સહિત આ છોડ ઘરમાં રાખવો શુભ, મા લક્ષ્મીની અવિરત વરસશે કૃપા

• વાસ્તુ શાસ્ત્રમાં દર્શાવ્યા છે ઉપાય
• કેવી રીતે બનશો ધનવાન
• ઘરમાં કયો છોડ રાખવાથી થશે ધનપ્રાપ્તિ 

વાસ્તુમાં તુલસી અને મની પ્લાન્ટને ખૂબ મહત્વ આપવામાં આવે છે. એવું કહેવાય છે કે જો તમારા ઘરમાં તુલસી અને મની પ્લાન્ટ હોય તો તમારા ઘરમાં ધન અને સમૃદ્ધિ આવે છે. ઘરમાં તુલસી અને મની પ્લાન્ટ ક્યાં રાખવા જોઈએ? આવો જાણીએ. 

લક્ષ્મીજીને પ્રસન્ન કરવા વાસ્તુમાં દર્શાવ્યો છે ઉપાય

વાસ્તુમાં તુલસી અને મની પ્લાન્ટને ખૂબ મહત્વ આપવામાં આવે છે. એવું કહેવાય છે કે જો તમારા ઘરમાં તુલસી અને મની પ્લાન્ટ હોય તો તમારા ઘરમાં ધન અને સમૃદ્ધિ આવે છે. ઘરમાં તુલસી અને મની પ્લાન્ટ ક્યાં રાખવો તે માટે વાસ્તુમાં ખાસ નિયમો આપવામાં આવ્યા છે, આ સિવાય તેની કાળજી કેવી રીતે રાખવી તે અંગે પણ ખાસ ધ્યાન રાખવું જોઈએ. વાસ્તવમાં મની પ્લાન્ટ અને તુલસીનો છોડ સુકાઇ જાય તો તેને અશુભ માનવામાં આવે છે. ત્યારે આજે જાણીએ કે તુલસી અને મની પ્લાન્ટ સિવાય પણ એવા કેટલાક છોડ છે જે મા લક્ષ્મીને પ્રસન્ન કરવા માટે શુભ ગણાય છે. 

શમીનો છોડ 

કેટલાક છોડને ગ્રહ-નક્ષત્રોની અસર ઘટાડવા માટે ઉપયોગી માનવામાં આવે છે, જ્યારે કેટલાક છોડમાં દેવતાઓનો વાસ માનવામાં આવે છે. ત્યારે શમીનો છોડ શનિ સાથે સંબંધિત છે અને તે ભગવાન શિવને પણ પ્રિય છે.ઘરમાં શમીનો છોડ લગાવવો ખૂબ જ શુભ માનવામાં આવે છે. કહેવાય છે કે શમી શનિદેવને ખૂબ જ પ્રિય છે. તેથી જો ઘરમાં શમીનો છોડ લગાવવામાં આવે તો તમને શનિદેવની કૃપા પ્રાપ્ત થાય છે.

આ છોડથી થશે ધનલાભ

શમીના છોડ સિવાય કેતકી, ચંપા અને કેળાના છોડ ખૂબ સારા માનવામાં આવે છે. કહેવાય છે કે આ છોડ લગાવવાથી ઘરમાં નકારાત્મકતા આવતી નથી. આ છોડ લગાવવાથી ઘરમાં ખુશીઓ આવે છે. કેળના છોડનો ઉપયોગ ભગવાન વિષ્ણુની પૂજામાં થાય છે, તેથી એક તરફ તુલસી જે લક્ષ્મીજીનું પ્રતિક છે તો બીજી તરફ કેળાનો છોડ લગાવવાથી ભગવાન સત્યનારાયણની કૃપા પ્રાપ્ત થાય છે.