હેરાનગતી / પ્રી-વેડિંગ ફોટોશૂટને લઈને અમદાવાદીઓ મુશ્કેલીમાં, મોટાભાગના સ્થળો પર પ્રતિબંધ મુકાતા ખાનગી જગ્યાએ જવા લોકો મજબૂર

• પ્રી વેડિંગ શૂટને લઈને અમદાવાદીઓની મુશ્કેલી વધી
• મોટા ભાગની જગ્યાઓ પર પ્રતિબંધ લગાવી દેવામાં આવ્યો 
• પ્રતિબંધ પાછળ કોઈ કારણ આપવામાં નથી આવતું 
• ખાનગી જગ્યાએ લોકો ફોટોશૂટ કરવા મજબૂર 

પહેલા જ્યારે લગ્ન સમયે માત્ર લગ્નના ફોટાઓનું મહત્વ હતું. પરંતુ જેમ જેમ સમય આગળ વધી રહ્યો છે. તેમ તેમ યુવાનોમાં ટ્રેન્ડ બદલાઈ રહ્યો છે. આજે કોઈ પણ કપલ જ્યારે લગ્ન કરે તો તે પહેલા તે પ્રી વેડિંગ ફોટો ગ્રાફી અને વીડિયો ગ્રાફી કરવાનું પહેલા પસંદ કરે છે. એવું કહી શકાય કે પ્રી વેડિંગ ફોટોશૂટ આજના યુથ માટે એક ટ્રેન્ડ બની ગયો છે. 

પ્રતિબંધ પાછળનું કારણ પણ નથી આપવામાં આવતું 

જોકે હવે અમદાવાદ જેવા શહેરોમાં કપલને પ્રી-વેડિંગના ફોટોશૂટ માટે સમસ્યા વધી ગઈ છે. કારણકે મોટા ભાગની જગ્યાઓ પર પ્રિ-વેડિંગ ફોટો શૂટ કરવાની ના પાડી ના પાડી દેવામાં આવે છે. તેમના પાડવા પાછળ કોઈ કારણ પણ નથી આપવામાં આવતું કે  શા માટે ના પાડવામાં આવી રહી છે. 

પોતાનું શહેર છોડી અન્ય જગ્યાએ ફોટોશૂંટ કરાવા મજબૂર 

અમદાવાદની આસપાસ જેટલા પણ પ્રવાસન સ્થળો આવેલા છે. ત્યા પ્રી વેડિંગ શૂટ માટે ના પાડી દેવામાં આવ્યું છે. જેમા કારણે અમદાવાદના લોકોને તેમનુંજ શહેર છોડીને કોઈ અન્ય જગ્યાએ ફોટોશૂટ કરવા જવું પડે તેવી સ્થિતી સર્જાઈ છે. 

બધી જગ્યાઓ પર ફોટોશૂંટ બંધ 

ખાસ કરીને થોળ, રાણીનો હજીરો અને અડાલજની વાવ આ બધી જગ્યાએ અમદાવાદના કપલ પ્રી વેડિંગ ફોટોશૂટ કરાવા જતા હતા. પરંતું હવે ધીરે ધીરે બધી જગ્યાઓ પર ફોટોશૂટ બંધ કરાવી દેવામાં આવ્યું છે. જેના કારણે કપલ બધા મુશ્કેલીમાં મુકાઈ જાય છે. ન છૂટકે અમદાવાદના કપલને ખાનગી સ્થળો પર પ્રિ વેડિંગ ફોટોશૂટ કરવવા જવું પડે છે. 

ખાનગી જગ્યાએ ફોટોગ્રાફી કરાવા લોકો મજબૂર 

ઉલ્લેખનીય છે કે જે સ્થળો પર મોટા ભાગની જગ્યાઓ પર ફોટોગ્રાફી પર પ્રતિબંધ લગાવી દેવાના કારણે ખાનગી સ્થળો પર કપલને ફોટોગ્રાફી કરાવા માટે જવું પડે છે. જેને લઈને અલગથી તેમને 10 થી 15 હજારનો ખર્ચો ઉઠાવવાનો વારો આવી રહ્યો છે. ત્યારે સવાલ એ થાય છે આખરે એટલું તો કયું મોટું કારણ છે કે પ્રી વેડિંગ ફોટોશૂટ બધી જગ્યાએ બંધ કરાવામાં આવી રહ્યા છે.