- 5 દિવસની બાળકીને તરછોડી દીધી
- દિકરીની હાલત ગંભીર હોવાથી માતા પિતા ફરાર થઇ ગયા
- રાજકોટ સિવિલમાં ચાલતી હતી સારવાર
એક તરફ રાજ્યમાં એવા લોકો વસે છે જે નવ દિવસ નવદુર્ગાની કઠિન ઉપાસના કરે છે. માતાજીની પૂજા કરે છે તો બીજી તરફ એવો પણ એક સમાજ છે જે દિકરીનું અવતરણ થતા હજી પણ એ જૂના જમાના જેવી જ હલકી માનસિકતા ધરાવે છે, દિકરી હોવુ એ જાણે કે ગુનો હોય. ત્યારે રાજકોટ મહાનગરમાં પણ એક ચોંકાવનારી ઘટના જોવા મળી. રાજકોટમાં 5 દિવસની બાળકીને તરછોડીને મા બાપ ફરાર થઇ ગયા અને દિકરીનું સારવાર દરમિયાન મોત નીપજ્યુ.
5 દિવસની દિકરીને માતા પિતાએ તરછોડી
પરિવારમાં નાનકડા મહેમાનનું આગમન થાય તો ખુશી કેટલી હોય, પછી તે દિકરો હોય કે દિકરી. લોકો બાળક થાય તે માટે અનેક માનતાઓ રાખે છે ત્યારે રાજકોટ સિવિલમાં તો નવજાત બાળકીને તરછોડીને મા બાપ ચાલ્યા ગયા. અરે, ફુલ જેવી કુમળી બાળકીને છોડીને જતા જીવ કેમનો ચાલ્યો? જન્મ થતા જ દિકરી ગંભીર હાલતમાં હતી. સિવિલમાં તેની સારવાર પણ ચાલી રહી હતી અને તેવામાં તેના માતા પિતાને તેને તરછોડીને નાસી ગયા.
દિકરીની હાલત ગંભીર હોવાથી તરછોડી દીધી
સુલતાનપુરના સુક્રાંતીબેનને 27 માર્ચે દિકરીને જન્મ થયો હતો. તેની પુત્રીની હાલત ગંભીર હોવાથી સિવિલમાં સારવાર ચાલી રહી હતી. માતા પિતાને જેવી જાણ થઇ કે દિકરીની હાલતી અત્યંત નાજુક છે કે મા બાપ તેને છોડીને ચાલ્યા ગયા. સમગ્ર ઘટનાને પગેલ પ્રદ્યુમનનગર પોલીસ સ્ટેશનમાં બાળકીનાં માતા-પિતા વિરુદ્ધ ફરિયાદ નોંધાઇ છે. ત્યારે અહીં સવાલ એ થાય કે તમે બાળકની જવાબદારી ઉઠાવવા તૈયાર જ નહોવ તો બાળકને પેદા જ શા માટે કર્યુ ?શું દિકરીને બદલે દિકરાનો જન્મ થયો હોત તો ? તો શું આવી રીતે તરછોડીને ચાલ્યા જતા ? શું દિકરી હોવુ એ ગુનો છે ? આ દિકરીની જિંદગી બચાવવાનો પ્રયાસ ડોક્ટરો કરી રહ્યા હતા પરંતુ કદાચ આ દિકરી જ જાણી ગઇ હશે કે મારા મા બાપને જ મારી જરુર નથી તો મારે આ જિંદગીમાં જીવીને શું કરવું ?
