નોકરી કરતાં યુવાનોમાં તણાવ અને ચિંતાની સમસ્યા આજ એક સામાન્ય બાબત છે. પરંતુ આ સાથે નોકરી કરતાં યુવાનોમાં કેન્સરનું જોખમ પણ વધુ જોવા મળી રહ્યું છે. ICMR ના અભ્યાસ મુજબ એક તૃતીયાંશ કર્મચારીઓમાં મેટાબોલિક સિન્ડ્રોમની સમસ્યા જોવા મળી છે.
આ મેટાબોલિક સિન્ડ્રોમ શું છે
આ મેટાબોલિક સિન્ડ્રોમ 45 થી 65 વર્ષના લોકોમાં કેન્સરનું જોખમ વધારવાનું કામ કરે છે. મેટાબોલિક સિન્ડ્રોમ કોઈ બીમારી નથી પણ આ એક શરીરની એવી સ્થિતિ છે, જેના કારણે શરીરમાં બીમારીઓ વધવા લાગે છે. ડાયાબિટીસ, સ્થૂળતા, હાઇ બ્લડ પ્રેશર અને અનિયંત્રિત કોલેસ્ટ્રોલ એમ આ ચારેના સંયુક્ત સ્વરૂપને મેટાબોલિક સિન્ડ્રોમ કહેવામાં આવે છે. તેનાથી કેન્સરની સાથે-સાથે હ્રદય રોગનું જોખમ પણ વધી શકે છે.
ICMR દ્વારા કરવામાં આવેલ અભ્યાસ
ICMR દ્વારા 3 મોટી IT કંપનીઓમાં કામ કરતાં યુવાનો પર અભ્યાસ કરવામાં આવ્યો હતો. આ દરેક કર્મચારીની ઉંમર 30 વર્ષ કરતાં ઓછી હતી. અભ્યાસ દ્વારા જાણવા મળ્યું કે દરેક બીજા વ્યક્તિનું વજન વધુ છે અથવા તે સ્થૂળતાથી ગ્રસ્ત છે. 10 માંથી 6 વ્યક્તિઓમાં HDL એટલે કે વધુ પ્રમાણમાં કોલેસ્ટ્રોલ જોવા મળ્યું છે. જેના કારણે ભવિષ્યમાં હ્રદય રોગની સમસ્યા વધવાની સંભાવના છે.
યુવાનોમાં આ બીમારીઓ પણ જોવા મળી છે
અભ્યાસથી જાણવા મળ્યું કે 44.2 % લોકોનું વજન વધુ છે. જ્યારે 16.85 % યુવાનો સ્થૂળતાથી ગ્રસ્ત છે. 3.89 % યુવાનોને ડાયાબિટીસની સમસ્યા છે અને 64.93 % યુવાનોમાં કોલેસ્ટ્રોલનું પ્રમાણ વધુ છે.
વાંચવા જેવું: ઍલાર્મ વાગ્યા રાખે છતાં નથી ઊડતી ઊંઘ? અપનાવો આ ટિપ્સ, આપોઆપ ખૂલી જશે આંખો
કેન્સરનું જોખમ વધવાના કારણો
ICMR દ્વારા અભ્યાસ કરવામાં આવેલ દરેક વ્યક્તિ યુવાન છે પણ ઓફિસના વાતાવરણ અને ખાનપાનના લીધે આ લોકોમાં સ્થૂળતાનું પ્રમાણ જોવા મળ્યું છે.
