ક્રિકેટ / ભારત માટે ODI વર્લ્ડકપ જીતવો લગભગ નક્કી! આ 5 કારણો મનાય છે જવાબદાર

• કપિલ દેવની કેપ્ટનશીપમાં વર્ષ 1983માં ટ્રોફી જીતી
• ધોનીની કેપ્ટનશીપમાં વર્ષ 2011માં ટ્રોફી જીતી હતી
• ભારત વર્લ્ડ કપનો ખિતાબ જીતી શકે છે

5 ઓક્ટોબરથી ભારતમાં ODI વર્લ્ડ કપની શરૂઆત થશે. 8 ઓક્ટોબરના રોજ ભારત પહેલો મુકાબલો ઓસ્ટ્રેલિયા સામે રમશે. ભારતે બે વાર વન ડે વર્લ્ડ કપની ટ્રોફી જીતી છે. ભારતીય ટીમે કપિલ દેવની કેપ્ટનશીપમાં વર્ષ 1983માં ધોનીની કેપ્ટનશીપમાં વર્ષ 2011માં ટ્રોફી જીતી હતી. અહીંયા એવા 5 કારણ આપી રહ્યા છીએ, જે જોઈને કહી શકાય કે, ભારત વર્લ્ડ કપનો ખિતાબ જીતી લેશે. 

CSKએ જીત્યો ખિતાબ
ચેન્નઈ સુપર કિંગ્સે RCBને હરાવીને IPL 2011નો ખિતાબ જીત્યો હતો. IPL 2011માં ચેન્નઈ સુપર કિંગ્સે પોઈન્ટ ટેબલમાં બીજા સ્થાન પર રહીને પહેલુ ક્વોલિફાયર જીતીને ફાઈનલમાં જગ્યા બનાવી હતી. આ વર્ષે ચેન્નઈ સુપર કિંગ્સે ગુજરાત ટાઈટન્સને હરાવીને IPL 2023નો ખિતાબ જીત્યો હતો. ચેન્નઈ સુપર કિંગ્સ પોઈન્ટ ટેબલ પર બીજા નંબરે રહી હતી અને ક્વોલિફાયર સુધી પહોંચી હતી. 

ક્વોલિફાયરમાં મુંબઈ હારી 
IPL 2011માં મુંબઈ ઈન્ડિયન્સની ટીમે પહેલા એલિમિનેટરમાં કોલકત્તા નાઈટ રાઈડર્સને હરાવ્યું હતું. ક્વોલિફાયર-2માં મુંબઈએ RCB સામે હારનો સામનો કરવો પડ્યો હતો. IPL 2023માં મુંબઈ ઈન્ડિયન્સે એલિમિનેટરમાં લખનઉ સુપર જાયન્ટ્સને હરાવ્યું હતું અને ક્વોલિફાયર-2માં ગુજરાત ટાઈટન્સે મુંબઈ ઈન્ડિયન્સને હરાવ્યું હતું. 

ઈંગ્લેન્ડે T20 વર્લ્ડ કપ જીત્યો
વર્લ્ડ કપ 2011નું આયોજન ભારતમાં કરવામાં આવ્યું હતું. તેના એક વર્ષ પહેલા ઈંગ્લેન્ડે T20 વર્લ્ડ કપ 2010નો ખિતાબ જીત્યો હતો. ઈંગ્લેન્ડે એક વર્ષ પહેલા પાકિસ્તાનને હરાવીને T20 વર્લ્ડ કપ જીત્યો હતો. 

નેધરલેન્ડ્સે ક્વોલિફાય કર્યું
વન ડે વર્લ્ડ કપ 2023 માટે નેધરલેન્ડ્સની ટીમે 12 વર્ષ પછી ક્વોલિફાય કર્યું છે. અગાઉ ટીમે વર્ષ 2011માં વન ડે વર્લ્ડ કપ માટે ક્વોલિફાય કર્યું હતું, તે સમયે વન ડે વર્લ્ડ કપનું આયોજન ભારતમાં કરવામાં આવ્યું હતું. 

ભારતમાં આયોજન
ODI વર્લ્ડ કપ 2023નું આયોજન ભારતમાં થઈ રહ્યું છે. આ કારણોસર ભારતની જીતની પ્રબળ સંભાવના છે. છેલ્લે 12 વર્ષ પહેલા ભારતમાં વર્લ્ડ કપનું આયોજન કરવામાં આવ્યું હતું, તે સમયે પણ મહેન્દ્રસિંહ ધોનીની કેપ્ટનશીપમાં ભારતે ખિતાબ જીત્યો હતો.