- 2000ની નોટને બંધ થવાને 4 દિવસનો સમય બચ્યો
- 30 સપ્ટેમ્બર નોટ બદલવાનો છેલ્લો દિવસ
- 1 ઓક્ટોબરથી આ નોટ નહીં ચાલે
- હજુ રહી ગઈ હોય તો બદલાવી લેજો
2000ની નોટને બંધ થવાને હવે 4 દિવસનો સમય બચ્યો છે. એટલે કે 30 સપ્ટેમ્બર 2000ની નોટનો છેલ્લો દિવસ હશે અને 1 ઓક્ટોબરથી આ નોટ નહીં ચાલે. એટલે જો તમારી પાસે હજુ પણ 2000ની નોટ હોય તો તેને આ 4 દિવસમાં બદલાવી લેજો નહીંતર તે પછી નકામી બની શકે અથવા તો સરકાર નોટ જમા કરવાની તારીખ લંબાવી શકે.
નોટો બદલવાની છેલ્લી તારીખ 30 સપ્ટેમ્બર
તમે તમારી નજીકની કોઈપણ બેંકમાં જઈને આ નોટો બદલી શકો છો. તમને જણાવી દઈએ કે બેંકોમાં 2000 રૂપિયાની નોટ જમા કરાવવા અથવા બદલવાની અંતિમ તારીખ 30 સપ્ટેમ્બર છે. આરબીઆઈએ 19 મેના રોજ સ્પષ્ટ કર્યું હતું કે 2000 રૂપિયાની નોટ ચલણમાંથી બહાર કાઢવામાં આવી રહી છે. આવી સ્થિતિમાં, ત્યારથી લઈને અત્યાર સુધીમાં લોકોએ 2000 રૂપિયાની ઘણી નોટો બદલી છે. તમને જણાવી દઈએ કે અત્યાર સુધી 2000 રૂપિયાની કરોડો નોટો બેંકોમાં પહોંચી ગઈ છે. આવી સ્થિતિમાં, આ નોટો બદલવાની તમારી આ છેલ્લી તક છે.
ક્યારે બહાર પડાઈ હતી 2000ની નોટો
8 નવેમ્બર 2016 ના રોજ કેન્દ્રની મોદી સરકારે અચાનક રૂ. 500 અને રૂ. 1000ની નોટો બંધ કરી દીધી હતી. તેમણે કહ્યું કે આનાથી કાળું નાણું અને આતંકવાદી ફંડિંગ બંધ થશે. જૂની નોટોના બદલામાં 500 અને 2000 રૂપિયાની નવી નોટો લાવવામાં આવી હતી. ઘણા સમયથી સમાચાર આવી રહ્યા હતા કે 2000ની નોટ છાપવામાં આવી રહી નથી.
ક્યારે બહાર પડાઈ હતી 2000ની નોટો
8 નવેમ્બર 2016 ના રોજ કેન્દ્રની મોદી સરકારે અચાનક રૂ. 500 અને રૂ. 1000ની નોટો બંધ કરી દીધી હતી. તેમણે કહ્યું કે આનાથી કાળું નાણું અને આતંકવાદી ફંડિંગ બંધ થશે. જૂની નોટોના બદલામાં 500 અને 2000 રૂપિયાની નવી નોટો લાવવામાં આવી હતી. ઘણા સમયથી સમાચાર આવી રહ્યા હતા કે 2000ની નોટ છાપવામાં આવી રહી નથી.
નોટો બીજે ક્યાં બદલી શકાય?
RBIની 19 પ્રાદેશિક શાખાઓમાં પણ નોટો બદલી શકાશે. આરબીઆઈની દેશભરમાં 31 સ્થળોએ પ્રાદેશિક કચેરીઓ છે, પરંતુ રૂ. 2000ની નોટ અમદાવાદ, બેંગલુરુ, બેલાપુર, ભોપાલ, ભુવનેશ્વર, ચંદીગઢ, ચેન્નાઈ, ગુવાહાટી, હૈદરાબાદ, જયપુર, જમ્મુ, કાનપુર, કોલકાતા, લખનઉ, મુંબઈ, નાગપુરમાં જારી કરવામાં આવે છે. માત્ર દિલ્હી, પટના અને તિરુવનંતપુરમમાં બદલી શકાશે. ભારતીય રિઝર્વ બેંકે બેંકોને તાત્કાલિક અસરથી 2000 રૂપિયાની નોટો જારી કરવાનું બંધ કરવાની સલાહ આપી છે. એટલે કે હવે બેંકો ગ્રાહકોને નવી 2000ની નોટ નહીં આપે.
