Surat Accident CCTV News: સુરતમાં BRTS રૂટમાં બેફામ જતી કાર વાહનચાલકોને ઉડાવ્યા, ભરચક વિસ્તારમાં ઓવરસ્પીડ જતી કારના CCTV સામે આવ્યા
Share
સુરતમાં નબીરો સાજન ઉર્ફે સન્ની પટેલ બેફામ બન્યો
સુરતમાં BRTS રૂટમાં યુવકોને અડફેટે લીધા
નબીરાઓને નથી કોઈ પોલીસનો ડર
અકસ્માતના CCTV ફૂટેજ સામે આવ્યા
બેફામ જતી કાર વાહનચાલકોને ઉડાવ્યા
સુરતમાં પણ અમદાવાદ ઇસ્કોન બ્રિજ જેવી ઘટનાનું પુનરાવર્તન થયું છે. વાત જાણે એમ છે કે, સુરતમાં એક બેફામ નબીરાએ કથિત રીતે દારૂના નશામાં BRTS રુટમાં કાર ચલાવી બાઇકસવાર યુવકોને અડફેટે લીધા હતા. આ તરફ કારની અડફેટે આવેલ યુવકોને સારવાર અર્થે ખસેડાયા તો સ્થળ પર હાજર લોકોએ બેફામ નબીરાને મેથીપાક ચખાડી પોલીસને સોંપ્યો હતો. આ તરફ હવે અકસ્માતની ઘટનાના CCTV પણ સામે આવ્યા છે.
સુરતમાં નબીરો સાજન ઉર્ફે સન્ની પટેલ બેફામ બન્યો હોવાની ઘટના સામે આવી છે. વિગતો મુજબ નબીરા સાજન ઉર્ફે સન્ની પટેલ નામના ઇસમે કથિત રીતે દારૂ પી બેફામ ડ્રાઇવિંગ કર્યું હતું. આ તરફ સાજન ઉર્ફે સન્ની પટેલે BRTS રૂટમાં યુવકોને અડફેટે લીધા હતા. જોકે હવેઆ અકસ્માતના CCTV ફૂટેજ સામે આવ્યા છે. જેમાં બેફામ જતી કાર વાહનચાલકોને ઉડાવ્યા હોવાનું દેખાઈ રહ્યું છે. ઓવર સ્પીડમાં જતી કારએ યુવાનોને અડફેટે લેતા કેટલાક વ્યક્તિઓ ઇજાગ્રસ્ત બન્યા હતા.
રાજ્યમાં બેફામ બની વાહન ચલાવતા નબીરાઓના પાપે જાણે માર્ગો પર મોત ઘૂમતું હોય તેવી સ્થિતિ સર્જાય છે. મોટા શહેરોમાં એક પછી એક અકસ્માતની ઘટનાઓ સામે આવી રહી છે. અમદાવાદના તથ્યકાંડ બાફ હવે સુરતમાં અકસ્માતની ઘટના સામે આવતા ચકચાર મચી છે. સુરતના કાપોદ્રામાં રાત્રે નબીરાએ બેફામ સ્પીડે GJ 05 RN 9995 નંબરની સ્વીફ્ટ કાર ચલાવી 5 લોકોને લીધા અડફેટે અકસ્માત સર્જાયો હતો. મહત્વનું છે કે સ્નેહમુદ્રા સોસાયટી પાસે રાત્રે કારચાલક બેફામ બન્યો હતો.
3 બાઈક સવાર અને 2 રાહદારીને અડફેટે લીધા હતા
વાયુ વેગે કાર ચલાવી સુરતમાં સાજન ઉર્ફે સન્ની પટેલે 3 બાઈક સવાર અને 2 રાહદારીને અડફેટે લીધા હતા. જેને લઈને અફરાતફરી સર્જાઈ હતી. એટલું જ નહીં બાઈક ચાલકને 20 ફૂટ સુધી ઢસડ્યા બાદ કાર રોકાતા રૂવાટા ઉભા થઇ જાય તેવા દ્રશ્યો સર્જાયા હતા. આ અકસ્માતમાં વિવેક અને કિશન હીરપરા તથા ઋષિત અને યશ નામના યુવાનોને ગંભીર ઈજા થવા પામી હતી. આરોપીએ નીતિની નિયમ નેવે મૂકી BRTS રૂટમાં ઓવરસ્પિડમાં કાર ચલાવી અકસ્માત સર્જયો હતો. આરોપી કારના ચાલકે એક બાદ એક ત્રણ બાઈક ચાલકને અડફેટે લીધા હતા. બાદમાં કારની એરબેગ્સ ખુલી ગઈ હતી.
ઈજાગ્રસ્તોને નજીકની ખાનગી હોસ્પિટલમાં દાખલ કરાયા
બીજી બાજુ આરોપો કાર ચાલક દારૂના નશામાં હોવાની પણ શંકા વ્યક્ત કરાઈ રહી છે. લોકોએ કાર ચાલકને બહાર કાઢી બરાબરનો મેથી પાક પણ ચખાડ્યો હતો અને ઈજાગ્રસ્તોને તાબડતોબ નજીકની ખાનગી હોસ્પિટલમાં દાખલ કરાયા હતા. ઉપરાંત કાર ચાલકને પણ ઇજા થતાં તેને પણ સ્મીમેર હોસ્પિટલમાં ખસેડાયો હતો.
