ધરપકડ / ખાડીયામાં BJP કાર્યકર્તાની હત્યા કરનાર કુખ્યાત મોન્ટુ નામદારની ધરપકડ, પોલીસથી બચવા અવનવી ટેકનિક અજમાવતો, ફોન વાળી ટ્રિકે બાજી ફેરવી

• અમદાવાદનાં ખાડીયામાં BJP ના કાર્યકર્તાની હત્યા કરનાર આરોપીની ધરપકડ
• આરોપી વચગાળાનાં જામીન મેળવી ફરાર થઈ ગયો હતો
• સાયબર ક્રાઈમની બે ટીમે ટેક્નિકલ એનાલિસિસથી રાજસ્થાનથી ધરપકડ કરી 

ખુનના ગુનામાં વચગાળાના જામીન ઉપર છુટી નાસતા-ફરતા કુખ્યાત આરોપીને ઝડપી પાડતી સાયબર ક્રાઇમ બ્રાંચ#AhmedabadPolice pic.twitter.com/e02ypHZfLf

— Ahmedabad Police અમદાવાદ પોલીસ (@AhmedabadPolice) October 30, 2023

 સાયબર ક્રાઇમ દ્વારા હત્યાાનાં ગુનામાં ભાગતો ફરતો આરોપી મોન્ટુ નામદારની ધરપકડ કરી છે. મોન્ટુ હત્યાના ગુનામાં વચગાળાના જામીન મેળવીને ફરાર થઇ ગયો હતો. સાયબર ક્રાઇમની ટીમે ટેક્નિકલ એનાલિસિસ અને ખાનગી બાતમી  દ્વારા ઉદયપુર નાથદ્વારા હાઇવે પરથી ઝડપી લીધો. મોન્ટુને હાઇવે પર તેની ઇનોવા ગાડીમાં પોલીસે ઝડપી પાડ્યો છે.  આરોપી મોન્ટુને હાઇકોર્ટે દ્વારા 13 જુલાઈ થી 26 જુલાઈ સુધી 14 દિવસના વચગાળાના જામીન મળ્યા હતા. 27 જુલાઈના રોજ પરત નડિયાદ જેલ હાજર થવાનું હતું. પરંતુ આરોપી જેલમાં હાજર નહિ થઈ પેરોલ જમ્પ કરીને નાસતો ફરતો હતો. પોલીસ તપાસમાં આરોપી આબુ, દિલ્હી, મેરઠ દેહરાદૂન અને રાજેસ્થાનમાં છુપાયો હતો. સાયબર ક્રાઇમએ આરોપીની ધરપકડ કરી તપાસ શરૂ કરી છે. 

પોલીસ લોકેશન ટ્રેસ ન કરી શકે તે માટે કીપેડ મોબાઈલનો ઉપયોગ કરતો
આરોપી મોન્ટુ નામદાર પોલીસથી બચવા અવનવી ટેક્નિકના પ્રયાસ કર્યા હતા. જેમાં પોતે ઇનોવા ગાડી લઈને ફરાર થયો હતો. ત્યારે ટોલટેક્સ પર અન્ય ગાડીઓના ફાસ્ટટ્રેક થી ટ્રોલના પૈસા ચૂકવતો હતો. જેથી તે કઈ ગાડી લઈને નાસી ગયો હોય તે ખબર ના પડે અને પોલીસ તેનું લોકેશન જાણી ના શકે. એટલું જ નહીં તે 2g નો કીપેડ મોબાઈલ ઉપયોગ કરતો હતો. અને સીમકાર્ડ 2 થી 3 દિવસ ઉપયોગ કરતો અને પછી તોડી નાખતો હતો. આરોપી પોતાના પરિવાર સાથે લેન્ડલાઈન પર જ વાત કરતો હતો. જેથી પોલીસ તેનું લોકેશન ટ્રેસ ના કરી શકે.  વર્ષ 2022 માં BJP ના કાર્યકર્તા રાકેશ ઉર્ફે બોબી મહેતાની હત્યા કરી હતી. જેમાં મુખ્ય આરોપી તરીકે મોન્ટુ નામદાર હતો. અને તે નડિયાદ જેલમાં બંધ હતો. આ ઉપરાંત આરોપી હત્યા કેસમાં ફરિયાદી બનેલા વ્યક્તિની હત્યાનું પણ ષડયંત્ર રચી રહ્યો હોવાનું તપાસમાં સામે આવ્યું છે. 

મોન્ટુ સામે અસંખ્ય ગુના નોંધાયેલા છે
અગાઉ આ આરોપી વિરુદ્ધ જુગારના 15, હથિયાર 2 અને મારામારીના 6 ગુનાઓ નોંધાયા હતા. સાયબર ક્રાઇમ આરોપીની ધરપકડ કરીને નડિયાદ જેલને સોંપવાની તજવીજ હાથ ધરી છે. આ ઉપરાંત તેને ફરાર કરવામાં મદદરૂપ થનાર લોકોની પણ તપાસ શરૂ કરી છે.