માનહાની / અભિનેત્રી નોરા ફતેહીએ જૈકલિન ફર્નાન્ડિઝ સામે નોંધાવ્યો માનહાનીનો કેસ, ચાહકો ચોંકી ઉઠ્યાં, જાણો મામલો

• નોરા ફતેહીએ જેકલિન સામે માનહાનિનો કેસ દાખલ કર્યો
• આજે પટિયાલા હાઉસ કોર્ટમાં જેકલીન રજૂ થઇ હતી
• મની લોન્ડ્રીંગ કેસમાં સુનાવણી એક અઠવાડિયા માટે સ્થગિત કરાઈ

મની લોન્ડ્રીંગ કેસમાં નવો વળાંક આવ્યો 

સુકેશ ચંદ્રશેખર સાથે જોડાયેલા મની લોન્ડ્રિંગ કેસમાં નવો વળાંક આવ્યો છે. બોલીવુડની બે અભિનેત્રીઓ આ કેસના કારણે આમને-સામને ઉભી થઇ ગઇ છે. નોરા ફતેહીએ દિલ્હી કોર્ટમાં જેકલીન ફર્નાન્ડીઝ અને ઘણી મીડિયા કંપનીઓની સામે માનહાનિ કેસ કર્યો છે. 

200 કરોડ રૂપિયાની છેતરપિંડીનો છે મામલો 

ઉલ્લેખનીય છે કે આ પૂછપરછ મહાઠગ સુકેશ ચંદ્રશેખરના કેસ સાથે જોડાયેલી છે, જેણે તિહાડ જેલમાં રહીને લગભગ 200 કરોડ રૂપિયાની છેતરપિંડી કરી છે. આ દરમ્યાન તેણે જેકલીન ફર્નાન્ડીસ અને નોરા ફતેહીને મોંઘા-મોંઘા ગિફ્ટ પણ આપ્યાં છે. દિલ્હી પોલીસના અધિકારીઓનુ કહેવુ છે કે સુકેશ ચંદ્રશેખરે છેતરપિંડીની કમાણીથી બોલીવુડ અભિનેત્રી જેકલીન ફર્નાન્ડીસ અને નોરા ફતેહીને મોંઘા-મોંઘા ગિફ્ટ આપ્યા હતા. કારણકે સુકેશ ચંદ્રશેખર સામે મકોકા હેઠળ કેસ નોંધવામાં આવ્યો હતો. આ જ કારણ છે કે જેકલિન અને નોરા ફતેહીને પૂછપરછ માટે બોલાવવામાં આવી.

પહેલા જેક્લીન સાથે થઈ હતી પૂછપરછ

નોંધનીય છે કે આ જ કેસમાં જેક્લીન સાથે પહેલા પણ પૂછપરછ કરવામાં આવી હતી. પહેલા ED ને આશંકા હતી કે આ કેસમાં જેક્લીન પણ ષડયંત્રમાં સામેલ છે. જોકે બાદમાં સામે આવ્યું કે તે તો આ મામલામાં વિકટીમ છે. સુકેશ નામના આરોપીએ જેક્લીન સાથે પણ છેતરપિંડી કરી હતી. પૂછપરછમાં જેકલીને EDને ઘણી મહત્વપૂર્ણ જાણકારી શેર કરી હતી.