રાજનીતિ / લોકસભા 2024ની તૈયારી: NCP પ્રમુખ પવારની નિતીશ કુમાર સાથે મુલાકાત,CM કહ્યું,ભાજપ જે કરે તે દેશના હિતમા નથી બધા એક થઇને...

• CM નીતીશ કુમાર વિપક્ષ એકતાનાં મીશન પર 
• મુંબઈ પહોંચી શરદ પવાર અને ઉદ્ધવ ઠાકરે સાથે કરી મુલાકાત
• કહ્યું અમે ઈચ્છીએ છીએ કે તમામ વિપક્ષીદળો એકસાથે થાય

CM નીતીશ કુમાર વિપક્ષી એકતાને લઈને આજે મુંબઈનાં પ્રવાસે છે. આ દરમિયાન તેમણે શિવસેના UBTનાં પ્રમુખ ઉદ્ધવ ઠાકરે સાથે મુલાકાત કરી હતી. ત્યારબાદ NCP પ્રમુખ શરદ પવાર સાથે પણ મુલાકાત કરી. 

#WATCH | "Those who are at the Centre are not working for the country...All political parties in the country need to unite to work together," says Bihar CM & JD(U) leader Nitish Kumar during his meeting with Uddhav Thackeray in Mumbai. pic.twitter.com/BDXrUQajfe

— ANI (@ANI) May 11, 2023

નીતીશ કુમાર વિપક્ષ એકતાનાં મીશન પર 
મુલાકાત બાદ CM નીતીશ કુમારે કહ્યું કે,' દેશમાં ભાજપ જે કરી રહી છે તે દેશનાં હિતમાં નથી તેથી અમે ઈચ્છીએ છીએ કે તમામ વિપક્ષીદળો એકસાથે થાય. આ મુદે આજે અમે તમામ દળો સાથે પણ વાતચીત કરી અને તમામની સહમતી દેખાઈ રહી છે. અમે બધા એકસાથે બેસીને નિર્ણય લેશું. આજે ઘણી સારી ચર્ચા થઈ છે અને દેશનાં હિતમાં બધું થવા જઈ રહ્યું છે.'

ઉદ્ધવ ઠાકરે સાથે કરી મુલાકાત
CM નીતીશ કુમારે UBT પ્રમુખ ઉદ્ધવ ઠાકરે સાથે મુલાકાત કરી હતી. મીડિયા સાથેની વાતચીત દરમિયાન નીતીશ કુમારે કહ્યું કે,' જો વધારેમાં વધારે વિપક્ષી દળો એકસાથે કામ કરે છે અને એકજૂથ થાય છે તો તે આવતી લોકસભા ચૂંટણીમાં ભાજપની સામે હરીફાઈમાં સારા પરિણામો આવશે. જ્યારે બધાં એકસાથે લડશે તો હરીફાઈ ભાજપની સાથે થશે. વિપક્ષી દળોને સારી સફળતા મળશે અને દેશ સાચી દિશામાં આગળ વધશે.'

#WATCH | When asked if Sharad Pawar will be the main face of the Opposition alliance, Bihar CM Nitish Kumar says, "There will be nothing more delightful than that...I have told him that he has to work strongly not only for his party but the entire country."

Sharad Pawar says,… pic.twitter.com/pIsludqmbj

— ANI (@ANI) May 11, 2023

શરદ પવાર સાથે કરી પ્રેસ કોન્ફેરેન્સ
જ્યારે પ્રેસ કોન્ફેરેન્સ દરમિયાન મીડિયા દ્વારા નીતીશ કુમારને પૂછવામાં આવ્યું કે આવનારી ચૂંટણીમાં શું શરદ પવાર વિપક્ષનાં ગઠબંધનનો મુખ્ય ચહેરો રહેશે? ત્યારે નીતીશ કુમારે જવાબ આપ્યો કે' આવું થાય એનાથી વધુ ખુશીની વાત કોઈ ન હોઈ શકે. આજે મેં આમને( શરદ પવારને) કહી દીધું કે તમે મજબૂતી સાથે ન માત્ર તમારી પાર્ટી માટે પરંતુ સમગ્ર દેશ માટે કામ કરવાનું છે.'