પ્રતિક્રિયા / લાલુ પરિવાર વિરૂદ્ધ EDની કાર્યવાહીને લઇ નીતિશ કુમારે તોડ્યું મૌન, કહ્યું 'જ્યારે અમે ભેગાં થઈએ ત્યારે જ...'

• લાલુ પરિવાર વિરુદ્ધ ED, CBIની કાર્યવાહી
• સીએમ નીતિશ કુમારે પહેલીવાર મૌન તોડ્યું
• JDU અને RJD ફરી સાથે આવ્યા તો દરોડ શરૂ થયા

હાલમાં બિહારની રાજધાની પટનાથી મોટા સમાચાર સામે આવી રહ્યા છે, જ્યાં લાલુ પરિવાર વિરુદ્ધ ED, CBIની કાર્યવાહીને લઈને સીએમ નીતિશ કુમારે પહેલીવાર મૌન તોડ્યું છે. સીએમ નીતીશ કુમારે લાલુ પરિવાર અને તેમના નજીકના લોકોના સ્થળો પર ચાલી રહેલા દરોડા અંગે કહ્યું કે આવું 2017માં પણ થયું હતું. ત્યારબાદ જેડીયુ અને આરજેડીના રસ્તા અલગ થઈ ગયા.સીએમ નીતીશ કુમારે કહ્યું કે 5 વર્ષ બાદ JDU અને RJD ફરી એકવાર એકસાથે આવ્યા છે, તો જુઓ ફરીથી દરોડા શરૂ થયા છે. તેમણે તેજસ્વી યાદવને સીબીઆઈના સમન્સ મોકલવા વિશે કહ્યું હતું કે જ્યારે અમે ભેગા થઈએ છીએ ત્યારે દરોડા પડે છે. હું આના પર શું કહી શકું?

"What can I say?...": Nitish Kumar on raids on Tejashwi Yadav, RJD leaders

Read @ANI Story | https://t.co/5U3p8dy6cr#NitishKumar #TejashwiYadav #RJD #raid pic.twitter.com/lFHHUyBYkO

— ANI Digital (@ani_digital) March 11, 2023

તેજસ્વી યાદવને પૂછપરછ માટે સમન્સ

તમને જણાવી દઈએ કે જમીનના બદલામાં નોકરીના મામલામાં સેન્ટ્રલ ઈન્વેસ્ટિગેશન એજન્સી (CBI)એ મોટી કાર્યવાહી હાથ ધરતા બિહારના નાયબ મુખ્યમંત્રી તેજસ્વી યાદવને પૂછપરછ માટે સમન્સ મોકલ્યા છે. સીબીઆઈની ટીમ જમીનના બદલામાં નોકરીના કેસમાં તેજસ્વી યાદવની પૂછપરછ કરવા માંગે છે. તેથી આ મુદ્દે વધુ તપાસની માંગ કરવામાં આવી છે.મહાગઠબંધનમાં અણબનાવ અને ફરીથી ભાજપ સાથે હાથ મિલાવવાની અટકળો અંગે મુખ્યમંત્રીએ હસી કાઢ્યું અને કહ્યું કે કોઈ પણ જોડાણ તોડતું નથી. સુશીલ મોદી પર ટોણો મારતા કહ્યું કે તેમનું કામ બોલવાનું છે. જો તમે બોલશો નહીં, તો તમે શું કરશો?

તેજસ્વી યાદવની મુશ્કેલીઓ પણ વધી ગઈ

જણાવી દઈએ કે શુક્રવારે પટના અને દિલ્હીમાં લાલુ યાદવ અને રાબડી દેવીની સીબીઆઈની પૂછપરછ બાદ EDએ લાલુ પરિવાર અને તેમના નજીકના લોકોના 24 સ્થળો પર રેડ કરી હતી. આ દરમિયાન લાલુના પુત્ર તેજસ્વી યાદવ અને પુત્રીઓના ઘરે પણ સર્ચ કરવામાં આવ્યું હતું. EDનો દાવો છે કે લાલુ યાદવ અને તેમના પરિવારના સભ્યો 2004 થી 2009 દરમિયાન જ્યારે તેઓ રેલ્વે મંત્રી હતા ત્યારે જમીન-જોબ કૌભાંડમાં તેની પાસે નક્કર પુરાવા છે. તેજસ્વી યાદવની મુશ્કેલીઓ પણ વધી ગઈ છે. શનિવારે સીબીઆઈએ તેમને આ મામલે પૂછપરછ માટે સમન્સ મોકલ્યા હતા. જો કે, તેણે તેની ગર્ભવતી પત્નીની તબિયતને ટાંકીને પૂછપરછ માટે બીજી તારીખ માંગી છે. તેજસ્વી યાદવની આજે પૂછપરછ કરવામાં આવશે નહીં.