ચંદ્રયાન 3 અપડેટ / 'ચંદ્રયાન 3' માટે આગામી કલાકો અતિ મહત્વના, વિક્રમ લેન્ડર મોડ્યુલને લઇ ISROએ આપી લેટેસ્ટ અપડેટ, જાણો શું

• ચંદ્રયાન-3ને લઈ ફરી એકવાર મોટી અપડેટ સામે આવી
• વિક્રમ લેન્ડર ચંદ્ર તરફ યોગ્ય રીતે વધી રહ્યું છે આગળ  
• 20 ઓગસ્ટના રોજ લેન્ડર ફરીથી ડીબૂસ્ટ થશે

ચંદ્રયાન-3 સમાચાર: ચંદ્રયાન-3ને લઈ ફરી એકવાર મોટી અપડેટ સામે આવી છે. વાત જાણે એમ છે કે, ચંદ્રયાન-3 સાથે મોકલવામાં આવેલ વિક્રમ લેન્ડર ચંદ્ર તરફ યોગ્ય રીતે આગળ વધી રહ્યું છે. સફળ ડીબૂસ્ટિંગ કર્યા પછી લેન્ડર મોડ્યુલ શુક્રવારે ચંદ્રની નજીક પહોંચી ગયું છે. લેન્ડર મોડ્યુલમાં લેન્ડર (વિક્રમ) અને રોવર (પ્રજ્ઞાન)નો સમાવેશ થાય છે. ઈસરોએ કહ્યું કે, લેન્ડરની તબિયત એકદમ સામાન્ય છે.

આવતીકાલે થશે ફરીથી ડીબૂસ્ટિંગ 
ચંદ્રયાન-3 માટે થોડા જ કલાકો નિર્ણાયક બનવાના છે. આનું કારણ એ છે કે, 20 ઓગસ્ટના રોજ લેન્ડર ફરીથી ડીબૂસ્ટ થશે અને તેને નીચલી ભ્રમણકક્ષામાં ઉતારવામાં આવશે. લેન્ડર મોડ્યુલની ભ્રમણકક્ષા 113 કિમી x 157 કિમી સુધી ઘટાડી દેવામાં આવી છે. ભારતીય અવકાશ સંશોધન સંસ્થાએ શુક્રવારે X પર પોસ્ટ કર્યું હતું. આગામી ડીબૂસ્ટિંગ પ્રક્રિયા 20 ઓગસ્ટના રોજ ભારતીય સમય અનુસાર લગભગ 2:00 વાગ્યે પૂર્ણ થશે.

Chandrayaan-3 Mission:
The Lander Module (LM) health is normal.

LM successfully underwent a deboosting operation that reduced its orbit to 113 km x 157 km.

The second deboosting operation is scheduled for August 20, 2023, around 0200 Hrs. IST #Chandrayaan_3#Ch3 pic.twitter.com/0PVxV8Gw5z

— ISRO (@isro) August 18, 2023

ચંદ્રયાન-3 23 ઓગસ્ટે ઉતરશે ચંદ્ર પર 
આ પહેલા ગુરુવારે ચંદ્રયાન-3ના પ્રોપલ્શન મોડ્યુલ અને લેન્ડર મોડ્યુલને અલગ કરવામાં આવ્યા હતા. લેન્ડર વિક્રમ 23 ઓગસ્ટે સાંજે 5.47 વાગ્યે ચંદ્ર પર સોફ્ટ લેન્ડિંગની તૈયારી કરી રહ્યું છે. જ્યારે વિક્રમ ચંદ્રના દક્ષિણ ધ્રુવને સ્પર્શ કરશે ત્યારે ભારત આવું કરનાર વિશ્વનો ચોથો દેશ બની જશે. અત્યાર સુધી માત્ર અમેરિકા, રશિયા અને ચીને તેમના લેન્ડરને ચંદ્રની સપાટી પર ઉતાર્યા છે. ચંદ્રયાન-3 14 જુલાઈના રોજ શ્રીહરિકોટાના સતીશ ધવન સ્પેસ સેન્ટરથી રવાના થયું હતું. 

લેન્ડર મોડ્યુલે લીધી ચંદ્રની તસવીરો 
ચંદ્રયાન-3 અવકાશયાનના લેન્ડર મોડ્યુલ પર લગાવવામાં આવેલા કેમેરાએ ચંદ્રની તસવીરો કેપ્ચર કરી હતી. ઈસરોએ શુક્રવારે X પર આ તસવીરો શેર કરી હતી. આમાંથી કેટલીક તસવીરો 15 ઓગસ્ટના રોજ લેન્ડર પોઝિશન ડિટેક્શન કેમેરા (LPDC) દ્વારા લેવામાં આવી હતી. જ્યારે કેટલીક તસવીરો લેન્ડર ઈમેજર (LI) કેમેરા-1 દ્વારા 17 ઓગસ્ટે લેવામાં આવી હતી. આ ચંદ્રની સપાટી પરના ખાડાઓ દર્શાવે છે.