સાચવજો! / ફરી ઉચક્યું માથું.! કોરોનાના નવા વેરિયન્ટે વધાર્યું ટેન્શન, તહેવારો પહેલા મુંબઈમાં ગાઈડલાઇન જાહેર

• ભારતમાં ફરી એકવાર કોરોનાનો ખતરો
• મુંબઈમાં BMCએ એડવાઈઝરી જારી કરી
• કોરોનાના નવા વેરિઅન્ટની થઇ ઓળખ

ભારતમાં ફરી એકવાર કોરોના સંક્રમણના નવા વેરિયન્ટનો ખતરો મંડરાઈ રહ્યો છે. તહેવાર પહેલા મુંબઈમાં BMCએ પણ આ અંગે એડવાઈઝરી જારી કરી છે. મહારાષ્ટ્ર રાજ્ય સરકારે જણાવ્યું છે કે XBB ઉપરાંત, Omicron BQ.1 (યુએસ વેરિઅન્ટ) અને BA.2.3.20ના નવા સબ-વેરિયન્ટની ઓળખ કરવામાં આવી છે. ઓક્ટોબરના બીજા સપ્તાહમાં કોવિડ-19ના વધતા જતા કેસ અને તહેવારોની સિઝનને ધ્યાનમાં રાખીને એડવાઈઝરી જારી કરવામાં આવી છે.

BMCએ એડવાઈઝરી જાહેર કરી
એડવાઈઝરી જારી કરતી વખતે, BMCએ કહ્યું કે તહેવારો અને મોટા કાર્યક્રમો દરમિયાન ભીડ એકઠી થવાને કારણે, કોવિડ-19 ચેપ ફેલાઈ શકે છે. આ બાબતે કોઈપણ રીતે બેદરકાર રહેવું અયોગ્ય છે. તહેવારોની મોસમને ધ્યાનમાં રાખીને, કાર્યકારી આરોગ્ય અધિકારીએ કોવિડ -19 ના કેસોને રોકવા માટે ઘણા સાવચેતીનાં પગલાં લેવાની સલાહ આપી છે.

એડવાઈઝરીમાં શું કહેવામાં આવ્યું છે?

• એડવાઈઝરીમાં કહેવામાં આવ્યું છે કે તહેવારોની સિઝનમાં કોવિડથી રક્ષણના તમામ નિયમોનું ધ્યાન રાખો.
• જો તમને કોરોનાની રસી આપવામાં આવી નથી, તો વિલંબ કર્યા વિના રસી લો. એડવાઈઝરીમાં કહેવામાં આવ્યું છે કે જો તમારી રોગપ્રતિકારક શક્તિ નબળી છે તો તમારો જીવ જોખમમાં છે. આ માટે બૂસ્ટર ડોઝની પણ સલાહ આપવામાં આવી છે.
• ઘરની અંદર યોગ્ય વેન્ટિલેશન જાળવો, કારણ કે બંધ રૂમ વાયરસ ફેલાવવામાં મદદ કરે છે.
• કોરોના સંક્રમિત લોકોના સંપર્કમાં આવવાનું ટાળો.
• વારંવાર હાથ ધોવા.
• છીંક અને ખાંસી વખતે નાક અને મોં પર રૂમાલ/ટીશ્યુ પેપરનો ઉપયોગ કરો.

નવા વેરિઅન્ટ ઝડપથી પ્રસરી શકે છે
તાજેતરના અહેવાલો અનુસાર, ભારતમાં કોવિડ-19ના ઓમિક્રોન વેરિઅન્ટના નવા સબ-વેરિઅન્ટની પણ ઓળખ કરવામાં આવી છે. ઓમિક્રોનના નવા સબ-વેરિઅન્ટનું નામ BA.5.1.7 છે. નિષ્ણાતોએ ચેતવણી આપી છે કે આ નવું વેરિઅન્ટ અન્ય વેરિઅન્ટ કરતાં વધુ ઝડપથી ફેલાઈ રહ્યું છે અને જો બેદરકારી દાખવવામાં આવશે તો કોવિડ સંક્રમણના કેસ વધવાની શક્યતાને નકારી શકાય નહીં.