બ્રેકિંગ ન્યુઝ
સોનાના ભાવમાં ફરી થયો ઘટાડો
ગુજરાતમાં ગરમીનો પ્રકોપ, 41.4 ડિગ્રી તાપમાન સાથે મહુવા સૌથી ગરમ
ચાર ધામ યાત્રાને લઇ સરકારે કરી ગાઇડલાઇન જાહેર
આણંદના બોરસદના બોચાસણમાં ટ્રાન્સફોર્મરમાં બ્લાસ્ટ થતા ડીપીમાં લાગી ભયંકર આગ, છવાયો અંધારપટ
ક્ષત્રિય સમાજના આગેવાનો સાથે ભાજપ પ્રદેશ પ્રમુખની બેઠક, ગાંધીનગરમાં ભાજપ કાર્યાલય ખાતે બેઠક, સી.આર.પાટીલ અને ક્ષત્રિય આગેવાનો સાથે બેઠક
રાજનાથ સિંહ ગુજરાતની મુલાકાતે, રાહુલ ગાંધીની વિવાદીત ટીપ્પણીથી લઈને ક્ષત્રિય સમાજના વિરોધ મામલે કરી વાત
VTV / ગુજરાત / અમદાવાદ / new facility will be started on the riverfront of Ahmedabad before Navratri
Kishor
Last Updated: 09:01 PM, 18 July 2022
અમદાવાદ શહેરીજનો માટે સાબરમતી નદીના બંને કાંઠાને કરોડો રૂપિયાના ખર્ચે વિકસિત કરાયા છે. આ માટે મ્યુનિ. તંત્રે પહેલા તબક્કા હેઠળ વિવિધ આકર્ષણનાં કેન્દ્રો રિવરફ્રન્ટ ખાતે ઊભાં કર્યાં છે. રિવરફ્રન્ટના બંને કાંઠાના લોઅર પ્રોમિનાડ અને અપર પ્રોમિનાડ સહેલાણીઓને આકર્ષી પણ રહ્યા છે. તેમાં વૃદ્ધિ કરવા માટે સત્તાવાળાઓ આગામી દિવસોમાં ઈ-સ્કૂટરનો પ્રોજેક્ટ અમલમાં મૂકવા ગંભીર બન્યા છે. જો બધું સાંગોપાંગ પાર ઊતરશે તો સહેલાણીઓ રિવરફ્રન્ટના લોઅર પ્રોમિનાડમાં ઈ-સ્કૂટર ભાડેથી મેળવીને પરિવાર સાથે લટાર મારી શકશે. આ સુવિધા પશ્ચિમ અને પૂર્વ એમ બંને કાંઠે પૂરી પડાશે.
રિવરફ્રન્ટમાં બે લાખથી વધુ વૃક્ષ
સાબરમતી રિવરફ્રન્ટના બંને કાંઠાને સત્તાધીશો ચાલુ ચોમાસામાં રૂ. ૧.૫૦ કરોડના ખર્ચે અઢી લાખ રોપા વાવીને ગ્રીન રિવરફ્રન્ટ બનાવવા જઈ રહ્યા છે. હાલમાં રિવરફ્રન્ટમાં બે લાખથી વધુ વૃક્ષ છે. પશ્ચિમ કાંઠાના આંબેડકરબ્રિજ પાસેના બાયો ડાઇવર્સિટી પાર્કમાં જ લુપ્ત થતી વનસ્પતિની પ્રજાતિઓનો સમાવેશ ધરાવતા ૬૦ હજારથી વધુ વૃક્ષ છે.રિવરફ્રન્ટના બંને કાંઠાને જોડનારો ભવ્ય ફૂટ ઓવરબ્રિજ પણ બની ચૂક્યો છે. સહેલાણીઓ આ ફૂટ ઓવરબ્રિજ ખાતે સેલ્ફી લેવાનો આનંદ માણી રહ્યા છે. આ ઉપરાંત બીજા તબક્કામાં રિવરફ્રન્ટને ઇન્દિરાબ્રિજ સુધી લંબાવાઈ રહ્યો છે.
તંત્રએ ભાડેથી ઈ-સ્કૂટર આપવાની દિશામાં ચક્રો ગતિમાન કર્યાં
આમ સાબરમતી રિવરફ્રન્ટ લોકોને લોભાવનારો તો બની જ ગયો છે, પરંતુ હવે તંત્રે ભાડેથી અપાતી સાઇકલની જેમ સહેલાણીઓ માટે ભાડેથી ઈ-સ્કૂટર આપવાની દિશામાં ચક્રો ગતિમાન કર્યાં છે. છેલ્લાં ત્રણ-ચાર વર્ષથી સહેલાણીઓ ભાડેથી સાઇકલ મેળવીને તેને લોઅર પ્રોમિનાડમાં ચલાવી રહ્યા છે. જોકે આગામી દિવસોમાં સહેલાણીઓને સાઇકલ ઉપરાંત ઈ-સ્કૂટરનો વિકલ્પ ઉપલબ્ધ થાય તે માટેની કવાયત હાથ ધરાઈ છે.તંત્ર દ્વારા ઈ-સ્કૂટરને ભાડેથી મેળવવા માટે રિક્વેસ્ટ ઓફ પ્રપોઝલ મગાવાઈ છે, જેમાં કોન્ટ્રાક્ટરો તેમની દરખાસ્ત રજૂ કરશે અને જે કોન્ટ્રાક્ટરની દરખાસ્ત આવકની દૃષ્ટિએ તંત્રને સારી લાગશે તેને ઈ-સ્કૂટરનો પ્રોજેક્ટ સોંપાશે. પશ્ચિમ કાંઠા અને પૂર્વ કાંઠા પર ત્રણ-ત્રણ સ્થળને ઈ-સ્કૂટર ભાડેથી લેવા માટે પસંદ કરાયાં છે.
પશ્ચિમ કાંઠે વલ્લભસદન, ઉસ્માનપુરા સહિતનાં ત્રણ સ્થળ રહેશે
સહેલાણીઓ પશ્ચિમ કાંઠાના લોઅર પ્રોમિનાડ પર ઈ-સ્કૂટરને પ્રતિ અડધા કલાકના ભાડેથી લઈને લટાર મારી શકે તે માટે હાલ ત્રણ સ્થળ નક્કી કરાયાં છે, જેમાં વલ્લભસદન, ઉસ્માનપુરા અને ફૂટ ઓવરબ્રિજના પશ્ચિમ છેડાનો સમાવેશ થાય છે. તંત્ર દ્વારા પૂર્વ કાંઠા પર નારણઘાટ, સરદારબ્રિજનો પૂર્વ છેડો તેમજ ફૂટ ઓવરબ્રિજના પૂર્વ છેડા પર સહેલાણીઓને ભાડેથી ઈ-સ્કૂટર મળી રહે તે માટે વિચારણા હાથ ધરાઈ છે. હાલના તબક્કે પશ્ચિમ કાંઠાના ત્રણ અને પૂર્વ કાંઠાના ત્રણ મળીને કુલ છ સ્થળેથી આ પ્રોજેક્ટ હાથ ધરાશે.
સહેલાણીઓને નવરાત્રિ-દિવાળીના આસપાસ ઈ-સ્કૂટરનો લાભ મળશે
અત્યારે તો તંત્રે ઈ-સ્કૂટરની ભાડાની આવકમાં દસ ટકાની હિસ્સેદારી માગી છે. આ ઉપરાંતની પ્રક્રિયા પાર પાડવા ત્રણેક મહિના લાગશે. એટલે કે નવરાત્રિ-દિવાળીની આસપાસ કુલ ૧૦૦ ઈ-સ્કૂટરની સુવિધાનો લાભ સહેલાણીઓને મળતો થઈ જશે તેવો તંત્રનો આશાવાદ છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
મનોરંજન / શું તારક મહેતાના સોઢીનું અપહરણ થયું? પોલીસે નોંધ્યો અપહરણનો કેસ, ફોનમાંથી થયા અનેક ટ્રાન્ઝેક્શન
Gurucharan Singh
લોકસભા ચૂંટણી 2024 / 'વિરોધ કરે છે તે જ ભાજપ સાથે મળેલા' કોંગ્રેસે સસ્પેન્ડ કર્યા બાદ નિલેશ કુંભાણીએ વીડિયો જાહેર કર્યો
Lok Sabha Election 2024
પ્રચાર
ટોપ સ્ટોરીઝ
મનોરંજન / શું તારક મહેતાના સોઢીનું અપહરણ થયું? પોલીસે નોંધ્યો અપહરણનો કેસ, ફોનમાંથી થયા અનેક ટ્રાન્ઝેક્શન
Gurucharan Singh
સાસુ-વહુનો લવ / પરણીને તરત સાસુના પ્રેમમાં પડી વહુ, બોલી- 'મારી સાથે સંબંધ બાંધ', દીકરામાં રસ નથી'
up crime