આ જ સાચી સેવા / 'મોયા મોયા' બીમારીથી હેરાન થતા 2 બાળકોની વડોદરાની હોસ્પિટલે લાખોની સર્જરી ફ્રીમાં કરી આપી

Khyati

Last Updated: 04:42 PM, 5 March 2022

FOLLOW ON

શેર કરો

વ઼ડોદરામાં બે બાળકોમાં ભાગ્યેજ જોવા મળતી બીમારી જોવા મળી, SSG હોસ્પિટલમાં થઇ વિના મૂલ્યે સારવાર

વડોદરા SSG હોસ્પિટલમાં રેર રોગની સર્જરી
5થી6 લાખની સર્જરી SSG હોસ્પિટલમાં ફ્રીમાં કરવામાં આવી
બે બાળકોને થઇ હતી મોયા મોયા નામની બીમારી

સ્પાઇનલ મસ્ક્યુલર એટ્રોફી નામના આ રોગ બાદ બાળકોમાં એક નવી બીમારી જોવા મળી છે. મોયા મોયા. જી હા નામ સાંભળવામાં વિચિત્ર લાગે પરંતુ આ મગજને લગતી એક બીમારી છે જેમાં બાળકને મગજની નસમાં લોહી પહોંચવાનું બંધ થઇ જાય છે. આવા બે કેસ જોવા મળ્યો છે વડોદરામાં. વડોદરામાં બે બાળકો મોયા મોયા નામની બીમારીથી ગ્રસ્ત થયા છે.

બે બાળકોને મોયા મોયા

વડોદરા SSG હોસ્પિટલમાં મોયા મોયા બીમારી ધરાવતા બે બાળકોની સફળ સર્જરી કરવામાં આવી છે. આ બીમારીમાં બાળકને નાની ઉંમરમાં જ પેરાલિસીસની અસર થઇ જાયછે. જો બાળકનું નિદાન મો઼ડુ કરવામાં આવે તો બાળક માનસિક રીતે અસ્વસ્થ બની જાય છે. આ બીમારીનું નિદાન કરવા માટેલાખો રુપિયાનો ખર્ચ કરવો પડે છે પરંતુ એસએસજી હોસ્પિટલમાં વિનામૂલ્યે સારવાર કરવામાં આવી. 5 કલાકનો લાંબો સમય લીધા બાદ ઓપરેશન સફળ રહેતા પરિવારમાં ખુશીની લાગણી જોવા મળી છે.

શું કહે છે પરિવાર ?

પરિવારજન જણાવે છે કે અમે બાળકોને લઇને પ્રાઇવેટ હોસ્પિટલમાં ગયા. પીડિયાટ્રીક સર્જન અને મનોચિકિત્સક જોડે પણ ગયા પરંતુ ક્યાંયથી પણ સંતોષકારક જવાબ મળ્યો નથી. અમે અમદાવાદ અને આણંદમાં પણ જઇ આવ્યા એક પણ ડોક્ટર પાસેથી સચોટ નિદાન મળ્યુ નહી. અમને જાણ થઇ કે વડોદરા એસએસજી હોસ્પિટલમાં આ બીમારીનું નિદાન થાય છે અમે બાળકોને લઇને અહીં આવ્યા. અહીના ડોક્ટરોનું સચોટ નિદાન સાંભળીને સંતોષ થયો. વળી જે સર્જરી ખાનગીમાં 5થી6 લાખ થાય તે અંહી માત્ર 10 હજાર રુપિયાના નજીવા ખર્ચમાં પુરી થઇ ગઇ.

આ રેર રોગ છે- ડોક્ટર

એસએસજી હોસ્પિટલના ડૉ. પાર્થ જણાવે છે કે આ રોગ રેર છે. તેની કોઇને જાણ હોતી નથી જેથી તેની સારવાર થઇ શકતી નથી. આ રોગથી પીડીત બાળકોને લાઇફલોન્ગ પેરાલિસીસની બીમારી રહે છે, ખેંચ આવે છે અને માનસિક વિકાસ નોર્મલ રહેતો નથી. બંને ઓપરેશન એક અઠવાડિયાના અંતરમાં કર્યા છે. ઓપરેશન દરમિયાન ધમની બ્લોક થવાના ચાન્સીસ વધી જાય છે . આ સર્જરી કરતા ઘણુ ધ્યાન રાખવુ પડે છે. 5 કલાક જેટલો સમય લાગે છે જેમાં સર્જરી દરમિયાન બાળકને સ્ટ્રોક આવે નહી એ ખાસ ધ્યાન રાખવામાં આવે છે.

રોગનો લક્ષણો