પુનર્નિર્માણ / વર્તમાનની બાજુમાં જ બનશે નવી સંસદ જયારે રાષ્ટ્રપતિનાં આવાસની નજીકમાં જ બનશે PMનું ઘર, જાણો શું હશે ખાસ

• નવી સંસદની લોકસભામાં 900થી 1000 સભ્યો બેસી શકે તેટલી ક્ષમતા 
• રાષ્ટ્રપતિનાં નિવાસસ્થાનની બાજુમાં પીએમનું આવાસ 
• કોઈ પણ સાંસ્કૃતિક ધરોહર સમાન ઈમારતને તોડવામાં આવશે નહિ 

દેશનાં સંસદ ભવનની નવી ઈમારત બનવવા માટે ડીઝાઈન તૈયાર કરવામાં આવી રહી છે ત્યારે બધી જ ઓફીસને અન્ડરગ્રાઉન્ડ શટલ સુવિધા પ્રદાન કરવામાં આવશે. દરેક ઓફીસ આ રીતે જોડાયેલી રહેશે. કેન્દ્ર સરકાર દ્વારા સેન્ટ્રલ વિસ્ટાનું પુનર્નિર્માણ માટે ખુબ તૈયારીઓ કરવામાં આવી રહી છે. 

ગુજરાતની HCP ડીઝાઈન કંપનીએ પ્રોજેક્ટની કરી શરૂઆત 

ઓક્ટોબર મહિનામાં ગુજરાતની HCP ડીઝાઈન નામક અને ડૉ. બિમલ પટેલ સંચાલિત કંપની દ્વારા 2024 સુધી કામ પૂરું કરવાના પ્રોજેક્ટની શરૂઆત કરી. પુનર્નિર્માણનાં ભાગ રૂપે નોર્થ બ્લોક અને સાઉથ બ્લોકને મ્યુઝીયમમાં ફેરવી નાખવામાં આવશે. વરિષ્ઠ અધિકારીઓ દ્વારા જણાવવામાં આવ્યું છે કે કોઈ પણ સાંસ્કૃતિક ધરોહર સમાન ઈમારતોને તોડવામાં આવશે નહીં. 

2022માં ઉજવણી નવી સંસદની અંદર ઉજવવામાં આવે તેવું લક્ષ્ય 

અધિકારીઓએ કહ્યું કે વડાપ્રધાન આવાસ પણ રાષ્ટ્રપતિનાં આવાસની બાજુમાં જ બનાવી દેવામાં આવશે. સાથે ઉપરાષ્ટ્રપતિનું આવાસ પણ હશે. આ સેન્ટ્રલ વિસ્ટા ભારતની 75મી આઝાદીને યાદગાર બનાવવામાં ખુબ અગત્યનો ભાગ ભજવશે. અધિકારીએ જણાવ્યું કે નવી સંસદની દરેક બારી ભારતની વિવિધતાને દર્શાવતી હશે. વર્ષ 2022માં ભારતની આઝાદીનાં 75મી વર્ષગાંઠની ઉજવણી નવી સંસદની અંદર જ ઉજવવામાં આવે તેવું લક્ષ્ય રાખવામાં આવ્યું છે. 

શું છે પાટનગર દિલ્હીનો ઈતિહાસ 

વર્તમાન સંસદની બાજુમાં જ નવી સંસદ ઉભી કરવામાં આવશે. 900થી 1000 સભ્યો બેસી શકે તેટલી ક્ષમતા વળી લોકસભા, રાજ્યસભા અને સેન્ટ્રલ હોલ બનાવવામાં આવશે. જેમાં સાંસદોની ઓફીસનો સમાવેશ થશે. ડિસેમ્બર 12, 2011નાં રોજ સરકાર દ્વારા ભારતનાં પાટનગરને કોલકાતાથી દિલ્હી ખસેડવામાં આવ્યું. તે સમયે એડવીન લુટિયન્સે 20 વર્ષ લાંબા પ્રોજેક્ટ બાદ સંસદ ભવન, રાષ્ટ્રપતિ ભવન, નોર્થ બ્લોક અને સાઉથ બ્લોકનું નિર્માણ કરાવ્યું. આખરે 1931માં નવી દિલ્હી નિર્માણ પામી હતી.