મહાઅષ્ટમી / આજે નવરાત્રીની મહાઆઠમ: આ 5 ઉપાય કરવાથી જીવનમાં આવશે બદલાવ, ધનથી છલકાશે તિજોરી, વૈભવી થશે પરિવાર

• આજે શારદીય નવરાત્રીનો આઠમો દિવસ
• આ દિવસે કેટલાક ઉપાય કરવાથી નાણાંકીય તંગી સર્જાતી નથી
• આર્થિક તંગી દૂર કરવા માટે અપનાવો આ ઉપાય

આજે શારદીય નવરાત્રીનો આઠમો દિવસ છે. સમગ્ર દેશમાં મહાઅષ્ટમી પર્વ ઊજવવામાં આવી રહ્યો છે. આજના દિવસે કન્યાઓને બોલીવીને પૂજા કરવાની પરંપરા છે. આજના દિવસે માઁ દુર્ગાની પૂજાનું વિધાન રહેલું છે. આ દિવસે કેટલાક ઉપાય કરવાથી આખા વર્ષ દરમિયાન નાણાંકીય તંગી સર્જાતી નથી અને તમામ ક્ષેત્રે સફળતા મળે છે. 

અષ્ટમી ઉપાય
ધનપ્રાપ્તિ માટે ઉપાય
જ્યોતિષ શાસ્ત્ર અનુસાર મહાઅષ્ટમીના દિવસે લવિંગ અને કપૂરના ઉપાય કરવાથી નાણાંકીય તંગી સર્જાતી નથી. આ દિવસે માઁ દુર્ગાને લવિંગ અને કપૂર અર્પણ કરવું, ત્યારપછી દેવીના આ પ્રસાદને તિજોરી અથવા પર્સમાં રાખી લેવી. જેથી આર્થિક પરેશાની દૂર થશે અને જીવનમાં સફળતા પ્રાપ્ત થશે. 

બિમારીમાંથી મુક્તિ માટેના ઉપાય
મહાઅષ્ટમીના દિવસે માઁ દુર્ગાને લવિંગની માળા અને લાલ ગુલાબની માળા અર્પણ કરો. આ ઉપાય કરવાથી માઁ દુર્ગા પ્રસન્ન થાય છે અને જીવનમાં ધન સંબંધિત સમસ્યા દૂર થાય છે. આ ઉપાય કરવાથી શારીરિક સમસ્યા દૂર થાય છે અને દેવાથી રાહત મળે છે. 

ગુપ્ત ઈચ્છાપૂર્તિ માટે
મનમાં રહેલી કોઈ ઈચ્છા લાંબા સમયથી પૂર્ણ નથી થઈ રહી તો મહાઅષ્ટમીના દિવસે આ ઉપાય જરૂરથી કરવો જોઈએ. લાંબા સમયથી કામ પૂર્ણ નથી થઈ રહ્યું તો કપૂર અને લવિંગ સળગાવીને આખા ઘરમાં ફેરવવું. આ ઉપાય કરવાથી ઈચ્છાપૂર્થિ થાય છે અને તમામ કામ થઈ જાય છે. 

નકારાત્મકતા દૂર કરવાના ઉપાય
ઘરમાં નેગેટિવિટી હોય તો આજના દિવસે માઁ દુર્ગાની સામે કપૂર અને લવિંગ સળગાવો. ત્યારપછી માતાજીની આરતી કરો. જેથી ઘરમાં ખુશીઓનો વાસ થાય છે, નકારાત્મકતા દૂર થાય છે તથા સકારાત્મક ઊર્જાનો સંચાર થાય છે અને જીવનમાં સફળતા મળે છે. 

આર્થિક લાભ થાય છે
જો તમે કોઈ વ્યક્તિને ઉધાર પૈસા આપ્યા હોય અને પરત નથી મળી રહ્યા તો આજના દિવસે આ ઉપાય જરૂરથી કરવો જોઈએ. આજના દિવસે ગુલાબજળમાં કપૂર મિશ્ર કરીને માઁ દુર્ગાને અર્પણ કરો. આ ઉપાય કતરવાથી ધન સંબંધિત પરેશાની દૂર થશે અને આર્થિક પરિસ્થિતિમાં સુધારો થઈ શકે છે.