NULL / સાંસદ દેવજી ફતેપરાની નારાજગી મામલે CM રૂપાણીએ કરી આવી વાત

ગાંધીનગર: ભાજપના સાંસદ દેવજી ફતેપરાની ટિકિટ કપાતા તેઓ નારાજ છે ત્યારે દેવજી ફતેપરાની નારાજગી મામલે મુખ્યમંત્રી વિજય રૂપાણીએ પોતાની પ્રતિક્રિયા આપી હતી.



CM રૂપાણીએ જણાવ્યું કે, દેવજીભાઇને ટિકિટ ના મળી એટલે તેઓ દુ:ખી હોય તે સ્વાભાવિક છે. પરંતુ અમને વિશ્વાસ છે કે, દેવજીભાઇ પણ પાર્ટીના કામમાં લાગી જશે. કારણ કે, કાર્યકર્તાઓની માગ મુજબ ટિકિટ અપાતી હોય છે.



દેવજીભાઇ ફતેપરાનું નિવેદન
તો કુંવરજી બાવળિયાને લઇને તેમણે કહ્યું કે કુંવરજી બાવળિયાને સમય આવ્યે ખબર પડશે. કુંવરજી બાવળિયાના ભાજપમાં આકરા દિવસો આવવાના બાકી છે. ધનજીભાઇ પટેલે રૂપિયાના જોરે બધુ ગોઠવ્યું છે. જયંતિભાઇ કવાડિયા અને આ બધા એક છે.


કોણ છે દેવજીભાઇ ફતેપરા
સુરેન્દ્રનગર સંસદીય મતક્ષેત્રમાં જિલ્લાની સાત વિધાનસભા બેઠકાોનો સમાવેશ થાય છે. 2014માં મોદી લહેરમાં દેવજીભાઇ ફતેપરા પહેલી વાર સાંસદ તરીકે ચૂંટાયા.

2014માં દેવજીભાઇ ફતેપરાએ પોતાના કોંગ્રેસી પ્રતિસ્પર્ધી સોમાભાઇ પટેલને બે લાખ મતે હાર આપી હતી. 2014ની લોકસભા ચૂંટણી સમયે દેવજીભાઇ ફતેપરાએ પોતાની કુલ મિલકત રૂપિયા એક કરોડ સોળ લાખ જાહેર કરી હતી.